លិចទូកដរ បាត់ខ្លួនសិស្សសាលាជាង១០នាក់ ក្នុងចំណោមមនុស្ស៣០នាក់ ខណៈ៣នាក់ស្លាប់ និងផ្សេងទៀតសមត្ថកិច្ចកំពុងរាវរក

កណ្ដាល៖ នៅយប់ថ្ងៃទី១៣ ខែតុលា ឆ្នាំ២០២២នេះទូកដរដឹកសិស្សសាលាមួយគ្រឿង ដឹកមនុស្សប្រមាណ៣០នាក់ បានលិច បណ្ដាលឲ្យមនុស្ស១០នាក់បាត់ខ្លួន ក្នុងនោះរកឃើញសពភ្លាមៗចំនួន៣នាក់ និងផ្សេងទៀតសមត្ថកិច្ចកំពុងរាវរក។

ហេតុការណ៍នេះ ស្ថិតក្នុងភូមិកោះចំរើន ឃុំកំពង់ភ្នំ ស្រុកលើកដែក ខេត្តកណ្ដាល។

នគរបាលស្រុកលើកដែក បានឲ្យដឹងថា ករណីលិចទូកដរនេះ បណ្ដាលឲ្យសិស្សសាលាចំនួន១០នាក់ បាត់ខ្លួន ក្នុងចំណោមមនុស្ស៣០នាក់ដែលជិះទូកនេះ។ ប៉ុន្ដែមនុស្ស៣នាក់បានលង់ទឹកស្លាប់ និងប៉ុន្មាននាក់ផ្សេងទៀត កម្លាំងសមត្ថកិច្ចជាច្រើននាក់កំពុងរាវរក។

យ៉ាងណាមិញ មិនទាន់ដឹងមូលហេតុដែលបណ្ដាលឲ្យទូកដរ​លិចនោះទេ មិនទាន់ត្រូវបានសមត្ថកិច្ចបញ្ជាក់ឲ្យដឹងនៅឡើយទេ៕