នៅព្រឹកថ្ងៃពុធ ១២កើត ខែមាឃ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី២១ ខែកុម្ភៈ ឆ្នាំ២០២៤ នេះ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកណ្តាល សហការជាមួយរដ្ឋបាលស្រុកអង្គស្នួល បានរៀបចំពិធីចែកវិញ្ញាបនប័ត្រសម្គាល់ម្ចាស់អចលនវត្ថុ ជូនអ្នកកាន់កាប់ដីចំនួន ០៣ភូមិ គឺភូមិគោកពពេល ចំនួន ៤៩៦ប័ណ្ណ ភូមិយសមេត្រី ចំនួន ២០៥ប័ណ្ណ និងភូមិកណ្ដាល ចំនួន ២២៤ប័ណ្ណ ឃុំលំហាច ស្រុកអង្គស្នួល ខេត្តកណ្ដាល សរុបចំនួន ៩២៥ប័ណ្ណ។
ការផ្តល់វិញ្ញាបនប័ត្រសម្គាល់ម្ចាស់អចលនវត្ថុជូនប្រជាពលរដ្ឋ អ្នកកាន់កាប់ដីនាពេលនេះ គឺបានផ្តល់អត្ថប្រយោជន៏យ៉ាងច្រេីនជូនប្រជាពលរដ្ឋសម្រាប់យកទៅប្រេីប្រាស់ក្នុងការលក់ដូរ បញ្ចាំ ធ្វេីអំណោយ ។ ល។ ជាងនេះទៅទៀតគឺបានផ្តល់នូវសុវត្ថិភាពក្នុងការកាន់កាប់ ជម្លោះព្រំប្រទល់ និងវិវាទផ្សេងៗ៕
