ក្នុងនាមប្រធានសមាគមសម្ព័ន្ធសារព័ត៌មានឯករាជ្យ ខ្ញុំសូមថ្លែងអំណរគុណយ៉ាងជ្រាលជ្រៅចំពោះគណៈកម្មការ អនុគណៈកម្មការ និងក្រុមការងារពាក់ព័ន្ធទាំងអស់ ដែលបានសហការគ្នារៀបចំសន្និបាតបូកសរុបលទ្ធផលការងារប្រចាំឆ្នាំ២០២៤ និងលើកទិសដៅការងារឆ្នាំ២០២៥ របស់សមាគមសម្ព័ន្ធសារព័ត៌មានឯករាជ្យ (IPA) កាលពីថ្ងៃទី៣០ ខែមីនា ឆ្នាំ២០២៥។
ជាមួយគ្នានេះដែរ ខ្ញុំសូមកោតសរសើរ និងវាយតម្លៃខ្ពស់ចំពោះគណៈកម្មការ អនុគណៈកម្មការ និងក្រុមការងារពាក់ព័ន្ធទាំងអស់ ដែលបានយកចិត្តទុកដាក់អនុវត្តការងារ តាមតួនាទី និងភារកិច្ចរបស់ខ្លួន រហូតសម្រេចបានជោគជ័យ គួរជាទីមោទនៈ។
ខ្ញុំសូមបួងសួងដល់គុណបុណ្យព្រះរតនត្រ័យ បារមីវត្ថុស័ក្តិសិទ្ធិទាំងឡាយក្នុងលោក សូមជួយប្រោះព្រំនូវសព្ទសាធុការពរ បវរសួស្តី ជ័យមង្គល វិបុលសុខមហាប្រសើរគ្រប់ប្រការ និងពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ ជូនគ្រប់ក្រុមការងារទាំងអស់ ព្រមទាំងក្រុមគ្រួសារ កុំបីឃ្លៀងឃ្លាតឡើយ៕
