ពាក់ព័ន្ធបញ្ហានេះ កាលពីពេលថ្មីៗនេះ ក្រុមការងារយើងបានធ្វើការទំនាក់ទំនងទៅលោក កៀង ល័ក្ស អភិបាល នៃគណៈអភិបាលខណ្ឌចំការមន តាមប្រព័ន្ធតេឡេក្រាម ដើម្បីទទួលបានការស្រាយបំភ្លឺ តែលោកមិនឆ្លើយតបនោះទេ។ដើម្បីការពារសុវត្តិភាព និងអនុវត្តនគោលនយោបាយភូមិសង្កាត់មានសុវត្តិភាព ប្រជាពលរដ្ឋសូមសំណូមពរដល់អាជ្ញាធរពាក់ព័ន្ធ ជាពិសេសលោក កៀង ល័ក្ស អភិបាលខណ្ឌចំការមន ចុះស្រាវជ្រាវពិនិត្យ ឈានដល់ការបង្ក្រាបទីតាំងលួចលាក់បង្កប់ល្បែងស៊ីសងទាំងនេះ ព្រោះបទល្មើសឆក់ ប្លន់ គឹកើតចេញពីកក្តាទាំងនេះ និងបញ្ហាគ្រឿងញៀនជាដើម។សូមបញ្ជាក់ថា កាលពីពេលថ្មីៗនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់បញ្ជាយ៉ាងដាច់ណាត់ឲ្យអាជ្ញាធរពាក់ព័ន្ធគ្រប់ជាន់ថ្នាក់ត្រូវបង្ក្រាបឲ្យអស់នូវល្បែងស៊ីសងគ្រប់ប្រភេទ។

សម្ដេចតេជោ បានបន្ថែមថា បើមានមន្ត្រីរូបណាមានការពាក់ព័ន្ធឬកាងទីតាំងល្បែងទាំងនោះ មន្ត្រីរូបនោះនឹងប្រឈមនឹងការអស់ដំណែង ឬតួនាទី៕