“កម្មវិធីរត់អង្គរសង្ក្រាន្ត” ដើម្បីអបអរសាទរខួប ១០ ឆ្នាំនៃព្រឹត្តិការណ៍អង្គរសង្រ្កាន្ត និងដើម្បីអបអរសាទរការឈានមកដល់ព្រឹត្តិការណ៍ការប្រកួតកីឡា ស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ ដែលកម្ពុជាធ្វើជាម្ចាស់ផ្ទះ និងដើម្បីចូលរួមបរិច្ចាគដល់មន្ទីរពេទ្យកុមារអង្គរ – Angkor Hospital forChildren នៅមុខបរិវេណឧទ្យានជាតិអង្គរវត្ត ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា នឹងមានការអញ្ជើញចូលរួមពីសំណាក់ ឯកឧត្តមអនុប្រធានស.ស.យ.ក. សមាជិក សមាជិកា ស.ស.យ.ក. និងសាធារណជនប្រមាណ ១៤០០ នាក់។
កម្មវិធីរត់អង្គរសង្រ្កាន្តនេះ បែងចែកជាបីផ្លូវតាមចម្ងាយដែលមាន ៣គ.ម ១០គ.ម និង២១គ.ម។ ចម្ងាយទាំងបីចាប់ផ្តើមនិងបញ្ចប់នៅចំណុចតែមួយគឺនៅមុខអង្គរ និងមានទីតាំងផ្គត់ផ្គង់ទឹក និងផ្លែឈើរបស់យើងមានសរុបចំនួន ៦កន្លែង បន្ទប់ទឹក ៨កន្លែង និងកន្លែងសង្គ្រោះបឋមមាន ៤កន្លែង នៅតាមទីតាំង។
ជាមួយគ្នានេះ ក៏មានការប្រគំតន្រ្តី និងមានការចូលរួមសម្តែងដោយ សិល្បករ សិល្បការិនី អ្នកចូលរួម ប្រកបដោយស្មារតីសប្បាយរីករាយ និងសាមគ្គីភាព៕
