ប្រតិភូសមាគមសម្ព័ន្ធអ្នកសារព័ត៌មានសាកលសន្តិភាព ទទួលការអនុញ្ញាតិជួបសំដែងការគួសមជាមួយ ឯកឧត្តមបណ្ឌិត ប៉ាន់ខែម ប៊ុនថន និងថ្នាក់ដឹកនាំគណៈកម្មាធិការគណបក្សមូលដ្ឋាន គ.៩៨
ភ្នំពេញ ៖ ព្រឹកថ្ងៃព្រហស្បតិ៍ ទី០១ ខែមិថុនា ឆ្នាំ២០២៣ ឯកឧត្តមបណ្ឌិត ប៉ាន់ខែម ប៊ុនថន និងថ្នាក់ដឹកនាំគណៈកម្មាធិការគណបក្សមូលដ្ឋាន គ.៩៨ បានទទួលជួបសំណេះសំណាលជាមួយក្រុមប្រតិភូសមាគមសម្ព័ន្ធអ្នកសារព័ត៌មានសកលសន្តិភាព ដែលដឹកនាំដោយ លោក ហ៊ុន មករា ។
លោក ហ៊ុន មករា បានមានប្រសាសន៍ រាយការណ៍ជូនអង្គពិធី ពីប្រវត្តិកកើតសមាគមនិងផែនការសកម្មភាព ក៏ដូចជាទិសដៅបន្តទៅមុខរបស់សមាគម។
នៅក្នុងជំនួបនេះ ឯកឧត្តមបណ្ឌិត ប៉ាន់ខែម ប៊ុនថន បានសម្តែងការស្វាគមន៍យ៉ាងកក់ក្តៅចំពោះប្រតិភូសមាគមសម្ព័ន្ធ អ្នកសារព័ត៌មានសកលសន្តិភាព និងមានការចាប់អារម្មណ៍ខ្ពស់ចំពោះការជំរុញវគ្គបណ្តុះបណ្តាលក្រមសីលធម៌ និងវិជ្ជាជីវៈសារព័ត៌មានដល់សមាជិក សមាជិកា ដល់អ្នកសារព័ត៌មានដែលស្រលាញ់វិស័យសារព័ត៌មាន ។
ឯកឧត្តមបណ្ឌិត បានមានប្រសាសន៍ថ្លែងអំណរអរគុណដល់អ្នកសារព័ត៌មានដែលផ្សព្វផ្សាយព័ត៌មានពិតអំពីម្ចាស់សន្តិភាពកម្ពុជា គឺរាជរដ្ឋាភិបាលដែលដឹកនាំដោយគណបក្សប្រជាជនកម្ពុជា។ ហេីយយេីងត្រូវរួមគ្នាបន្តថែរក្សាសន្តិភាព ធ្វេីសកម្មភាពដែលបម្រេីប្រយោជន៍ដល់សង្គមជាតិ និងប្រជាជន ពិសេសត្រូវបន្តផ្សព្វផ្សាយឱ្យកាន់តែខ្លាំងក្លាអំពីសច្ចភាពសង្គម ការខិតខំប្រឹងប្រែងរបស់រាជរដ្ឋាភិបាល ព្រមជាមួយសមិទ្ធផលនានាដែលរាជរដ្ឋាភិបាលសម្រេចបាន។
ឯកឧត្តមបណ្ឌិតបានផ្ដាំផ្ញើ ដល់បងប្អូនអ្នកសារព័ត៌មានទាំងអស់ត្រូវប្រឹងប្រែងពុះពារគ្រប់ឧបសគ្គ ដើម្បីសម្រេចបានជោគជ័យដ៏ត្រចះត្រចង់នាថ្ងៃអនាគត។
នៅចុងបញ្ចប់នៃកម្មវិធីក្រុមការងារប្រតិភូមសមាគមក៏បានថតរូបភាពទុកជាអនុស្សាវរីយ៍ប្រកបដោយបរិយាកាសសប្បាយរីករាយស្និទ្ធស្នាលបំផុត៕
