រថយន្តដឹងផ្ទះចាស់របស់ឈ្មួញចាស់វស្សារម្នាក់បង្កប់ឈើថ្មីជាច្រើនម៉ែត្រគូបត្រូវបានកម្លាំងជំនាញសហការចាប់បង្ក្រាបបាននៅក្នុងស្រុកអូរគ្រៀងសែនជ័យនៃខេត្តក្រចេះ

(ខេត្តក្រចេះ)  រថយន្តវេអង់ខ្នាតយក្សដឹកឈើលោតឆ័ត្រមួយគ្រឿងត្រូវបានអស់ល៏ក្ខក្នុងដៃមន្ត្រីជំនាញនៅក្នុងស្រុកអូរគ្រៀងសែនជ័យ ខេត្តក្រចេះ

ការបង្ក្រាបនេះគឺធ្វើឡើង នៅថ្ងៃទី03 ខែមិថុនា ឆ្នាំ២០២៣ វេលាម៉ោង8និង30នាទី សង្កាត់រដ្ឋបាលព្រៃឈើអូរគ្រៀងសហការជាមួយនគរបាលប្រឆាំងបទល្មើសសេដ្ឋកិច្ចខេត្ត អាវុធហត្ថស្នាក់ការសន្តិសុខ710 និងយោធាសឹករងខេត្ត បានចាប់ឃាត់រថយន្ត០១គ្រឿងម៉ាក HYUNDAI ប្រភេទ V1ក្បាល ពណ៏សរមានស្លាកលេខ ភ្នំពេញ 3 D2958 ទ្រុងពណ៏ទឹកបិច ពាក់ស្លាកលេខ ព្រះសីហនុ4A 1549 ដឹកឈើអារលេខ1 និងលេខ2ចំនួន 221សន្លឹក ស្មើនឹង 11ម762 បង្កប់ក្នុងឈើផ្ទះចាស់ ដោយ គ្មានលិខិតអនុញ្ញាតិពីរដ្ឋបាលព្រៃឈើ នៅចំណុច ភូមិអូរគ្រៀង ឃុំអូរគ្រៀង ស្រុកអូរគ្រៀងសែនជ័យ ខេត្តក្រចេះ ។

បើតាមការអោយដឹងពីលោក កែវ ចំណាន នាយសង្កាត់រដ្ឋបាលព្រៃឈើអូរគ្រៀងបានអោយអង្គភាពរស្មីឦសានយើងដឹងថាវត្ថុតាងដូចចំនួនខាងលើ បានយកមករក្សាទុកបណ្តោះអាសន្ននៅក្នុងសង្កាត់រដ្ឋបាលព្រៃឈើ.អូរគ្រៀង របស់លោកដើម្បីចាត់ការតាមនិតិវិធីនៃច្បាប់៕