ទីបញ្ជាកាដ្ឋានកងរាជអាវុធហ្ថតបានរៀបចំពិធីបើកវគ្គបំប៉នសណ្តាប់ធ្នាប់ដល់ជួរទ័ព ឈរផែនត្រៀមចូលរួមពិធីសម្ពោធសមិទ្ធផលនានាដាក់ឲ្យប្រើប្រាស់មជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ និងប្រារព្ធខួបលើកទី៣២ ទិវាកងរាជអាវុធហត្ថ

(ភ្នំពេញ)នៅថ្ងៃចន្ទ័០៥កើត ខែផល្គុន ឆ្នាំរោង ឆសក័ ពុទ្ធសក័រាជ ២៥៦៨ ត្រូវនិងថ្ងៃទី០៣ ខែមីនា ឆ្នាំ២០២៥នេះដោយទទួលបានបទបញ្ជាពី លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ។ នៅទីបញ្ជាការដ្ឋានកងរាជអាវុធហត្ថរាជធានីភ្នំពេញ បានរៀបចំពិធីបើកវគ្គបំប៉នហ្វឹកហ្វឺនផែនឈរ សណ្តាប់ធ្នាប់ ដឹកនាំដោយ លោកឧត្តមសេនីយ៍ត្រី បុត្រ កំព្រា មេបញ្ជាការរង ទទួលការងារហ្វឹកហ្វឺន ជាអធិបតីក្នុងពិធីបើកវគ្គបំប៉នសណ្តាប់ធ្នាប់ជួរកងទ័ព សម្រាបឈរផែនត្រៀមដើម្បីចូលរួមពិធីសម្ពោធសមិទ្ធផលនានាដែលត្រូវដាក់ឲ្យប្រើប្រាស់មជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែនរីករាយ និងប្រារព្ធខួបលើកទី៣២ ទិវាកងរាជអាវុធហត្ថ(១៤ កក្កដា ១៩៩៣ – ១៤ កក្កដា ២០២៥ នាពេលខាងមុខនេះ) ដោយមានការចូលរួមពី លោកនាយសេនាធិការរង ប្រធាន-អនុប្រធានមន្ទីរ នាយ-នាយរង និងជំនួយការ នៃការិយាល័យហ្វឹកហ្វឺន ព្រមទាំងសិក្ខាកាម សរុបចំនួន១១៦នាក់ផងដែរ។