ស្នងការនគរបាលខេត្តកណ្តាល ដឹកនាំការប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅការងារបន្តសំរាប់ខែមីនា

នារសៀលថ្ងៃទី០៦ ខែមីនា ឆ្នាំ២០២៥ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលអនុវត្តការងារប្រចាំខែកុម្ភៈ និងលើកទិសដៅអនុវត្តការងារខែមីនា ឆ្នាំ២០២៥ នៅសាលប្រជុំសាលាខេត្តកណ្តាល ដែលមានសមាសភាពចូលរួម៖ លោកស្នងការរង លោកនាយការិជំនាញ លោកអធិការនគរបាលគ្រប់ស្រុក-ក្រុង លោកមេបញ្ជាការវរៈសេនាតូចនគរបាលការពារព្រំដែនគោកលេខ៦០៥ លោកប្រធានប៉ុស្តិ៍នគរបាលច្រកទ្វារអន្តរជាតិជ្រៃធំ លោកអធិការរងទទួលការងារសេនាធិការ, ព្រហ្មទណ្ឌ, កិច្ចការប៉ុស្តិ៍ និងចរាចរណ៍ គ្រប់ស្រុក-ក្រុង និងលោកនាយប៉ុស្តិ៍នគរបាលរដ្ឋបាលទាំង១២៧៕