កិច្ចប្រជុំផ្សព្វផ្សាយ និង ប្រមូលធាតុចូលផ្សេងៗសម្រាប់គម្រោង ” ការស្តារ តម្លៃបេតិកភណ្ឌស្ថាបត្យកម្ម និង ក្រុងបណ្តាខណ្ឌ កណ្តាលរាជធានីភ្នំពេញ” 

នៅព្រឹកថ្ងៃអង្គារ ១៣កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនិងថ្ងៃទី១១ ខែមីនា ឆ្នាំ២០២៥ រដ្ឋបាលខណ្ឌ៧មករា រៀបចំកិច្ចប្រជុំផ្សព្វផ្សាយ និង ប្រមូលធាតុចូលផ្សេងៗសម្រាប់គម្រោង ” ការស្តាតម្លៃបេតិកភណ្ឌស្ថាបត្យកម្ម និងក្រុងបណ្តាខណ្ឌកណ្តាលរាជធានីភ្នំពេញ” ក្រោមអធិបតីភាព លោក ឌី រ័ត្នខេមរុណ អភិបាលរង ខណ្ឌ៧មករា ដោយមានការចូលរួមពី លោក ទេព ពិរូ ប្រធានគម្រោង និងក្រុមការងារ លោកនាយក នាយករង រដ្ឋបាលខណ្ឌ លោកស្រីប្រធានការិ-សង្គមកិច្ចខណ្ឌ តំណាង ការិ-ភូមិបាលខណ្ឌ ព្រមទាំង លោក លោកស្រី ចៅសង្កាត់ទាំង៨ ។

គោលបំណងនៃកិច្ចប្រជុំផ្សព្វផ្សាយនេះដែរ គឺ ដើម្បីកែលំអរ និង គ្រប់គ្រងអគារបេតិកភណ្ឌ និង លើកទឹកចិត្តអ្នករស់នៅឱ្យវិនិយោគនៃការស្តាអគារបេតិកភណ្ឌទាំងនេះ។

ទន្ទឹមនឹងនេះដែរ លោក ឌី រ័ត្នខេមរុណ អភិបាលរង ខណ្ឌ៧មករា ក៍បានលើកឡើងផងដែរ កិច្ចប្រជុំផ្សព្វផ្សាយ ស្តីពីគម្រោង ការស្តាតម្លៃ បេតិកភណ្ឌ ស្ថាបត្យកម្មទី ក្រុងស្ថិតនៅកណ្តាលរាជធានីភ្នំពេញ គឺបានចាប់ផ្តើមអនុវត្តសិក្សាគម្រោង បេតិកភណ្ឌ ស្ថាបត្យកម្ម និងទីធ្លាសាធារណៈ ក្នុងបណ្តាខណ្ឌ ស្ថិតនៅចំកណ្តាលរាជធានីភ្នំពេញ ចាប់ពីខែតុលា ២០២៤ ដល់ កញ្ញា ២០២៦ (២០ខែ) តែប៉ុណ្ណោះ និង ក៌បានស្នើសុំសហការទាំង៨សង្កាត់តែម្តងក្នុងការចុះពិនិត្យសំណង់ចាស់ទ្រុឌទ្រោម និងបានស្នើអោយសង្កាត់ទាំង៨ត្រៀមសហការជាមួយមន្រ្តីគំរោងផងដែរ ៕