រដ្ឋបាលខណ្ឌមានជ័យ បានរៀបចំពិធីបិទផ្សាយទិន្នន័យជាសាធារណៈនូវឯកសារនៃការវិនិច្ឆ័យដីធ្លីដែលមានលក្ខណៈជាប្រព័ន្ធចំនួន៣,៩៨០ក្បាលដី

ក្រោមអធិបតីភាពដ៏ខ្ពង់ខ្ពស់លោក សេង គន្ធ អភិបាល នៃគណៈអភិបាលខណ្ឌមានជ័យ និងលោក ពឹង រតនៈ អនុប្រធានមន្ទីររៀបចំដែនដីនគរូបនីយកម្មសំណង់ និងសុរិយោដីរាជធានីភ្នំពេញ នៅព្រឹកថ្ងៃអង្គារ ១៣កើត ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី១១ ខែមីនា ឆ្នាំ២០២៥ រដ្ឋបាលខណ្ឌមានជ័យ បានរៀបចំពិធីបិទផ្សាយទិន្នន័យជាសាធារណៈនូវឯកសារនៃការវិនិច្ឆ័យដីធ្លីដែលមានលក្ខណៈជាប្រព័ន្ធចំនួន៣,៩៨០ក្បាលដី។

ឪកាសនោះលោក សេង គន្ធ អភិបាលខណ្ឌមានជ័យ ក៏បានអំពាវនាវទៅកាន់ប្រជាពលរដ្ឋ ស្ថិតនៅក្នុងភូមិព្រែតាគង់ ភូមិព្រែតាគង់១ ភូមិព្រែតាគង់២ ភូមិព្រែតាគង់៣ ភូមិព្រែកតានូ ភូមិព្រែកតានូ១ ភូមិព្រែកតានូ២ សង្កាត់ចាក់អង្រែលើ ខណ្ឌមានជ័យ ទាំងអស់ សូមបងប្អូនប្រជាពលរដ្ឋចូលរួមមកពិនិត្យទិន្នន័យក្បាលដីទាំងអស់គ្នា៕