ឧត្ដមសេនីយ៍ឯក ឌៀង សារុន នាយរងសេនាធិការចម្រុះ ខ.ភ.ម. និងជាមេបញ្ជាការរង បញ្ជាការដ្ឋានអង្គរក្ស តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍កិត្តិសង្គហបណ្ឌិត ហុីង ប៊ុនហៀងជួបសំណេះសំណាងជាមួយឯកឧត្តម ហូ ឆុង វៀត ប្រធានគណៈកម្មាធិការឃោសនាអប់រំខេត្ត កាម៉ៅ
សៀលថ្ងៃព្រហស្បតិ៍ ១៤រោច ខែផល្គុន ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៧ ខែមីនា ឆ្នាំ២០២៥
បញ្ជាការដ្ឋានអង្គរក្ស ឯកឧត្តម ឧត្ដមសេនីយ៍ឯក ឌៀង សារុន នាយរងសេនាធិការចម្រុះ ខ.ភ.ម. និងជាមេបញ្ជាការរង បញ្ជាការដ្ឋានអង្គរក្ស តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍កិត្តិសង្គហបណ្ឌិត ហុីង ប៊ុនហៀង បានដឹកនាំ នាយទាហាន បញ្ជាការដ្ឋានអង្គរក្ស ធ្វើបដិសណ្ឋារកិច្ចទទួលគណៈប្រតិភូខេត្ត កាម៉ៅ ដឹកនាំដោយ ឯកឧត្តម ហូ ឆុង វៀត ប្រធានគណៈកម្មាធិការឃោសនាអប់រំខេត្ត កាម៉ៅ និងប្រតិភូអមដំណើរអញ្ជើញចួបសំណេះសំណាលសួរសុខទុក្ខ និងជូនពរដល់ថ្នាក់ដឹកនាំបញ្ជាការដ្ឋានអង្គរក្ស នាយទាហាន-ពលទាហាន ក្នុងឱកាសបុណ្យចូលឆ្នាំប្រពៃណីជាតិខ្មែរនាពេលខាងមុខ។
ឯកឧត្តម ប្រធានប្រតិភូ បានលើកឡើងថា ប្រជាជនវៀតណាម និងប្រជាជនកម្ពុជា បានមានទំនាក់ ទំនងប្រពៃណីល្អជាមួយគ្នាយូរមកហើយ និងជិតស្និតជាមួយគ្នាជាប្រវត្តិសាស្ត្រ កន្លងមក រួមជាមួយចំណងសាមគ្គីភាព មិត្តភាព រវាងថ្នាក់ដឹកនាំប្រទេសទាំងពីរ ពីមួយថ្ងៃទៅមួយថ្ងៃកាន់តែរឹងមាំ ពិសេសដើម្បីរឹតចំណងសាមគ្គីភាព និងកិច្ចសហប្រតិបត្តិការឱ្យកាន់តែរឹងមាំថែមទៀតផងដែរ៕
