លោកឈាង សុវណ្ណរតនា អញ្ជើញចូលរួមពិធីសំណេះសំណាល និងបញ្ចូលសមាជិក សមាជិកា គណបក្សប្រជាជនកម្ពុជាប្រមាណចំនួន៤៧០នាក់នៅសង្កាត់ស្វាយរលំ

កណ្តាល៖ ព្រឹកថ្ងៃអាទិត្យ ១០រោច ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៣១ ខែតុលា ឆ្នាំ២០២១ លោកឈាង សុវណ្ណរតនាសមាជិកគណៈកម្មាធិការកណ្តាលគណបក្សប្រជាជនកម្ពុជា រួមជាមួយសមាជិកគណបក្សប្រជជនកម្ពុជា និងជាប្រធានក្រុមការងារចុះជួយសង្កាត់ស្វាយរលំ សមាជិកអចិន្ត្រៃយ៍គណបក្ស និងជាប្រធានក្រុមការងារចុះជួយមូលដ្ឋានសង្កាត់ស្វាយរលំ និងក្រុមការងារបានអញ្ជើញចូលរួមក្នុងពិធីសំណេះសំណាល និងបញ្ចូលសមាជិកថ្មីមានចំនួន៤៧០នាក់ សមាជិកសមាជិកាគណបក្សប្រជាជនកម្ពុជា សង្កាត់ស្វាយរលំនៅទីស្នាក់ការគណបក្សប្រជាជនកម្ពុជាសង្កាត់ស្វាយរលំ ក្រុងតាខ្មៅ ខេត្តកណ្តាល ។

ក្នុងឱកាសនោះ លោកឈាង សុវណ្ណរតនាសមាជិកគណៈកម្មាធិការកណ្តាលគណបក្សប្រជាជនកម្ពុជា បាននាំយកការផ្តាំសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ជូនដល់ក្រុមការងារ និងសមាជិក សមាជិកា គណបក្សប្រជាជនកម្ពុជាទាំងអស់គ្នាក្នុងមូលដ្ឋានសង្កាត់ស្វាយរលំ ។លោកឈាង សុវណ្ណរតនា បានថ្លែងដោយក្តីសប្បាយរីករាយព្រោះបានឃើញចំនួនសមាជិក សមាជិកា គណបក្សប្រជាជនកម្ពុជាមូលដ្ឋានសង្កាត់ស្វាយរលំ មានកំណើនកើនឡើងជាលំដាប់ក្រោមការខិតខំប្រឹងប្រែងប្រកបដោយទំនួលខុសត្រូវខ្ពស់របស់រៀមច្បង និងក្រុមការងារគណបក្សប្រជាជនកម្ពុជាទាំងអស់គ្នា។ ឈាង សុវណ្ណរតនា ក៏បានរំលឹកឡើងថា សង្កាត់ស្វាយរលំ គឺជាទឹកដីកំណើតនៃនយោបាយឈ្នះឈ្នះ ដែលផ្តើមចេញពីស្មារតីលះបង់ខ្ពស់យកអាយុជីវិតធ្វើជាដើមទុន ទៅផ្សងព្រេងនឹងគ្រោះថ្នាក់ ដើម្បីស្វែងរកសុខសន្តិភាព និងការបង្រួបបង្រួមឯកភាពជាតិប្រកបដោយវីរៈភាពដ៏ឧត្តមរបស់សម្តេចអគ្គមហាសេនាបតីតេជោ ហ៊ុន សែន ដែលត្រូវបានប្រជាជាតិកម្ពុជា និងពិភពលោកទទួលស្គាល់សម្តេចតេជោ ហ៊ុន សែន គឺជាបិតាស្ថាបនិកនយោបាយឈ្នះឈ្នះ និងជាបិតាសន្តិភាពរបស់កម្ពុជា ។

ក្រោមម្លប់សន្តិភាព ដែលប្រសូតចេញពីមរតកនយោបាយឈ្នះឈ្នះរបស់សម្តេចតេជោ បានក្លាយជាកេរ្តិ៍មរតកដ៏ថ្លៃថ្លា និងជាគ្រឹះដ៏រឹងមាំបំផុតសម្រាប់ការអភិវឌ្ឍន៍គ្រប់វិស័យ ដែលជាប្រយោជន៍ជូនប្រជាជាតិកម្ពុជាយើង។ ដូច្នេះក្នុងនាមជាអ្នកជំនាន់ក្រោយរបស់គណបក្សប្រជាជនកម្ពុជា យើងត្រូវតែរួមគ្នាស្រលាញ់សន្តិភាព បន្តថែរក្សាសន្តិភាព និងការអភិវឌ្ឍន៍នេះឱ្យកាន់តែមានវឌ្ឍនភាពប្រកបដោយថាមពល និងចីរភាព សម្រាប់ប្រជាពលរដ្ឋ និងសង្គមជាតិយើងតរៀងទៅ។

ជាមួយគ្នានេះ លោកឈាង សុវណ្ណរតនាក គាំទ្រការអភិវឌ្ឍន៍តំបន់អភិវឌ្ឍន៍បឹងជង្រុកតេជោឈ្នះឈ្នះ ក៏បានចូលរួមឧបត្ថម្ភថវិការសមាជិកបក្សជូនដល់មួយនាក់មានចំបួន៤០០០០រៀល ក្រម៉ាមួយ សៀវភៅផងដែរ៊។

ដើម្បីកែលំអសោភ័ណភាពកសាងអគារស្នាក់ការថ្មីគណបក្សប្រជាជនកម្ពុជាសង្កាត់ស្វាយរលំ ក្រុងតាខ្មៅ ខេត្តកណ្តាល ឱ្យកាន់តែប្រសើរឡើង៕