លោកស្រីហ៊ួន សុក្រម៉េងសំណេះសំណាលជាមួយសមាជិកសមាជិកាគណបក្សCPP ភូមិព្រែកទាល់១ចំនួន២៩៩នាក់ក្នុងមូលដ្ឋាន

ភ្នំពេញ៖​  ថ្ងៃអាទិត្យ ៨ កើត ខែបឋមាសាឍ ឆ្នាំថោះ
បញ្ចស័ក ពុទ្ធសករាជ ២៥៦៧ត្រូវនឹងថ្ងៃទី២៥ ខែមិថុនា ឆ្នាំ២០២៣លោកស្រីហ៊ួន សុក្រម៉េងអនុប្រធានក្រុមការងារសង្កាត់ស្ទឹងមានជ័យ២ រួមទាំងក្រុមការងារសាខាបក្សភូមិព្រែកទាល់១មានចំនួន ២២៩នាក់សំណេះសំណាលនេះសមាជិកដែលបានចូលរួមបានប្តេជ្ញាបោះឆ្នោតជូនគណបក្សប្រជាជនកម្ពុជា ដែលមានលេខរៀងទី១៨ នៅថ្ងៃ ២៣ ខែកក្កដា​ ឆ្នាំ​២០២៣​ ។

លោកស្រីហ៊ួន សុក្រម៉េងនៅតែបន្ដសំណេះសំណាលជាមួយសមាជិកសមាជិកាគណបក្សប្រជាជនកម្ពុជាមកពីសាខាបក្ស ក្នុងមូលដ្ឋាន សង្កាត់ស្ទឹងមានជ័យ២ និង បាននាំយកអំណោយជាថវិកាមួយចំនួន របស់ឯកឧត្តម ប៉ា សុជាតិវង្ស ប្រធានក្រុមការងារចុះជួយខណ្ឌមានជ័យជូនដល់សមាជិកសមាជិកាបក្ស នឹងបានធ្វើការផ្សព្វផ្សាយជូនដល់បងប្អូនប្រជាពលរដ្ឋក្នុងមូលដ្ឋាន សូមអញ្ជើញចូលរួមទៅបោះឆ្នោតនៅថ្ងៃទី២៣ ខែកក្កដាឆ្នាំ២០២៣ ជូនគណបក្សប្រជាជនកម្ពុជាដែលមានលេខរៀងទី ១៨ អោយបានគ្រប់ៗគ្នា។

ឆ្លៀតឱកាស​នោះ​ដែរ​លោកស្រីហ៊ួន សុក្រម៉េងបាន​លេីក​ឡេីង​ថា​ ក្នុងរយៈពេលជាង៤០ឆ្នាំមកនេះ ក្រោមម្លប់សនិ្តភាពពេញលេញ និងក្រោមការដឹកនាំរបស់គណបក្សប្រជាជនកម្ពុជា ប្រជាពលរដ្ឋខ្មែរពិតជាមានមោទនភាពយ៉ាងក្រៃលែង ចំពោះសមិទ្ធផលជាប្រវត្តិសាស្រ្ត ជាច្រើនឥតគណនាដែលកើតឡើងពីការខិតខំប្រឹងប្រែង របស់យើងទាំងអស់គ្នាក្នុងការស្តារ និងកសាងប្រទេសជាតិមួយដែលត្រូវបំផ្លិចបំផ្លាញ ញាំញីដោយសារភ្លើងសង្គ្រាមដ៏រ៉ាំរ៉ៃ អស់ជាច្រើនទសវត្សឱ្យក្លាយជាទឹកដីមួយដែលពោរពេញ ដោយសុខសន្តិភាព ស្ថិរភាព និងមានការរីកចម្រើនឥតឈប់ឈរនិងកំពុងបោះជំហានទៅមុខយ៉ាងស្វាហាប់ឆ្ពោះទៅកាន់អនាគតដ៏រុងរឿង។

លោកស្រីហ៊ួន សុក្រម៉េងបានលើកឡើងថា រាជរដ្ឋាភិបាលដែលដឹកនាំដោយគណបក្សប្រជាជនកម្ពុជា មានគោលនយោបាយច្បាស់លាស់ក្នុងការថែរក្សាសុខសន្តិភាព និងការអភិវឌ្ឍប្រទេសជាតិ ដោយកសាងបាននូវសមិទ្ធផលជាច្រើនគ្រប់វិស័យនៅទូទាំងប្រទេសដូចដែលយើងទាំងអស់គ្នាបានដឹង និងបានឃើញស្រាប់។

លោកស្រីហ៊ួន សុក្រម៉េងបានគូសបញ្ជាក់អំពីសមិទ្ធផល និងស្នាដៃធំៗជាច្រើនដែលរាជរដ្ឋាភិបាលកម្ពុជាសម្រេចបានក្នុងរយៈពេល៥ឆ្នាំ ក្នុងនោះមានដូចជាកិច្ចការពារបូរណភាពទឹកដី និងអធិបតេយ្យជាតិ ការគោរពប្រតិបត្តិរដ្ឋធម្មនុញ្ញ ការគោរពប្រតិបត្តិប្រកបដោយភក្ដីភាពចំពោះព្រះមហាក្សត្រ និងរបបរាជានិយម ការបង្កាទប់ស្កាត់ជំងឺកូវីដ-១៩ កំណែទម្រង់វិមជ្ឈការ និងវិសហមជ្ឈការ ព្រមទាំងការរៀបចំជោគជ័យនូវកិច្ចប្រជុំអាស៊ាន និងព្រឹត្តិការណ៍កីឡាស៊ីហ្គេមជាដើម។

លោកស្រីហ៊ួន សុក្រម៉េងក៏សូមអំពាវនាវដល់ប្រជាពលរដ្ឋ​ទាំងអស់ ជួយពន្យល់ណែនាំដល់សាច់ញាតិ និងអ្នកដទៃទៀត សូមផ្ដល់សេចក្ដីទុកចិត្តជូនគណបក្សប្រជាជនកម្ពុជា ក្នុងការបន្តដឹកនាំប្រទេស តាមរយៈការបោះឆ្នោតតំណាងរាស្រ្តនីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ នាពេលខាងមុខនេះជាបន្តទៀត ព្រោះគណបក្សប្រជាជនកម្ពុជាមានរចនាសម្ព័ន្ធដឹកនាំច្បាស់លាស់ រឹងមាំ និងជាតួអង្គស្នូលនៃការថែរក្សាសុខសន្តិភាព និងការអភិវឌ្ឍប្រទេសជាតិរហូតមក៕