បានឲ្យដឹងថាៈ នៅមុនពេលកើតហេតុខាងលើ កំលាំងប៉ុស្តិ៍នគរបាលរដ្ឋបាលភូមិធំនិងកំលាំងប្រជាការពារ ធ្វើរការល្បាតក្នុងភូមិសាស្រ្តឃុំភូមិធំលុុះម៉ោង៩: ៤៥នាទីក៏ល្បាតមកដល់ចំនុច ភូមិកោះប្រាក់ឃុំភូមិធំ ស្រុកកៀនស្វាយ ខេត្តកណ្តាលក៏ឃើញជនសង្ស័យ០២នាក់កំពុងឈរលើផ្លូវលំភូមិដោយមានការសង្ស័យកំលាំងសមត្ថកិច្ចក៏បានឈប់ម៉ូតូសួរនាំជនសង្ស័យ នឹងធ្វើការឆែកឆេរក៏ប្រទះឃើញថ្នាំញៀន (ម៉ាទឹកកក)០២កញ្ចប់មធ្យមដែលជនសង្ស័យដាក់ក្នុងកំប៉ុងជ័រពណ៌សបោះចោលទៅលើដី។ ភ្លាមៗនោះកម្លាំងសមត្ថកិច្ចក៏ឃាត់ខ្លួនជនសង្ស័យទាំងពីរនាក់រួមទាំងវត្ថុតាង យកមកប៉ុស្តិ៍នគរបាលរដ្ឋបាលភូមិធំដើម្បីសួរនាំ។ នៅចំពោះមុខសមត្ថកិច្ចជនសង្ស័យបានសារភាពថា : ថ្នាំញៀន(ម៉ាទឹកកក) ០២កញ្ចប់មធ្យមខាងលើពិតជារបស់ខ្លួនពិតប្រាកដមែន ដែលខ្លួនបានទិញពីឈ្មោះ លន សុចិត្រ ភេទប្រុសមានលំនៅភូមិកោះប្រាក់ឃុំភូមិធំ ស្រុកកៀនស្វាយ ខេត្តកណ្តាលដើម្បីយកមកវិចខ្ចប់ជាកញ្ចប់តូចលក់បន្ត។ក្រោយពីសួរនាំរួចកំលាំងសមត្ថកិច្ចក៏បានបញ្ជូនខ្លួន

ជនសង្ស័យរួមនិងវត្ថុតាងមកកាន់អធិការរដ្ឋាននគរបាលស្រុកកៀនស្វាយដើម្បីចាត់ការតាមនិតិវិធី៕