ភ្នំពេញ ៖ លោកនាយឧត្តមសេនីយ៍ ស ថេត អគ្គស្នងការនគរបាលជាតិ តំណាងដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ អញ្ជើញជាអធិបតីក្នុងពិធីប្រកាសស្នងការនគរបាលខេត្តព្រះសីហនុ នៅថ្ងៃទី៣១ ខែសីហា ឆ្នាំ២០២៣។
លោកឧត្តមសេនីយ៍ឯក ស រដ្ឋា អគ្គស្នងការរងនគរបាលជាតិ ត្រូវបានផ្ទេរភារកិច្ចឲ្យទៅជាស្នងការ នៃស្នងការដ្ឋាននគរបាលខេត្តព្រះសីហនុ ជំនួសលោកឧត្តមសេនីយ៍ទោ ជួន ណារិន្ទ ដែលត្រូវបានផ្ទេរភារកិច្ចមកជាស្នងការ នៃស្នងការដ្ឋាននគរបាលរាជធានីភ្នំពេញ៕
