ឯកឧត្តមអភិសន្តិបណ្ឌិត ស សុខា អញ្ជើញសម្ពោធដាក់ឱ្យប្រើប្រាស់ជាផ្លូវការ អគារមត្តេយ្យសិក្សា និងបឋមសិក្សា ហាតមុត ដំណាក់សេរី និងអគារបឋមសិក្សា សាលាគោលដៅ ចំនួន ២៨ ក្នុងខេត្ត ចំនួន ៧

នៅព្រឹកថ្ងៃទី២៤ ខែកុម្ភៈ ឆ្នាំ២០២៥ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាអធិបតីដ៏ខ្ពង់ខ្ពស់ពិធីសម្ពោធដាក់ឱ្យប្រើប្រាស់ជាផ្លូវការ អគារមត្តេយ្យសិក្សា និងបឋមសិក្សា ហាតមុត ដំណាក់សេរី និងអគារបឋមសិក្សា សាលាគោលដៅ ចំនួន ២៨ ក្នុងខេត្ត ចំនួន ៧ ដែលជាជំនួយរបស់លោកតា ហាតមុត គីសេកេ (Hartmut Giesecke) តាមរយៈអង្គការកុមារកម្ពុជារីករាយ នៅសាលាបឋមសិក្សា ហាតមុត ដំណាក់សេរី ស្ថិតក្នុងឃុំស្មោងខាងត្បូង ស្រុកកំចាយមារ ខេត្តព្រៃវែង។