ឆ្លងចរន្តអគ្គិសនី បង្កជាអគ្គិភ័យឆាបឆេះរថយន្តចំនួន២គ្រឿង ដែលយកជួសជុល និង ម៉ូតូ ៣គ្រឿង ក្នុងយានដ្ឋានមួយយីហោ «សុខ ធី» ផ្អើលសមត្ថកិច្ចចុះជួយពន្លត់
កណ្តាល ៖ ឆ្លងចរន្តអគ្គិសនី បង្កជាអគ្គិភ័យឆាបឆេះរថយន្តភ្ញៀវ ចំនួន២គ្រឿង ដែលយកជួសជុល និង ម៉ូតូ ១គ្រឿង ក្នុងយានដ្ឋានមួយយីហោ «សុខ ធី» ផ្អើលសមត្ថកិច្ចចុះជួយពន្លត់ ។
តាមប្រភពព័ត៍មានពីម្ចាស់យានដ្ឋានរថយន្ត ខាងលើបានឲ្យដឹងថា មុនពេលកើតហេតុ ភ្ញៀវបានយករថយន្ត ម៉ាក Nissan Frontier ពណ៌ទឹកប្រាក់ ពាក់ស្លាកលេខ កណ្តាល 2A-8713 ដើម្បីឲ្យជាងជួសជុល ពេលនោះក្រុមជាង បានទ្បើងប៉ុងរថយន្ត ដើម្បីពិនិត្យជើងក្រោម ក៏ស្រាប់តែមានផ្សែងហ៊ុយខ្មៅខ្មួលខ្មាញ់ លាយលំអណ្តាតភ្លើងយ៉ាងសន្ធោសន្ធៅ ចេញពីម៉ាស៊ីនប៉ុង ។ ភ្លាមនោះក្រុមជាង បាននាំគ្នា យកបំពង់ពន្លត់អគ្គិភ័យ និងទុយោបាញ់ទឹក ដើម្បីមកជួយបាញ់ពន្លត់ តែទប់ទល់មិនបាន ទើបប្រញាប់រាយការណ៍ជូនសមត្ថកិច្ចឲ្យជួយចុះមកអន្តរាគមន៍ ដើម្បីកុំអោយឆេះរាលដាលកាន់តែខ្លាំង ។
