ឯកឧត្តមបណ្ឌិត ទូច វណ្ណៈ នាំយកថវិកាឯកឧត្តមអភិសន្តិបណ្ឌិត ស សុខា និងលោកជំទាវ ចូលបុណ្យសពលោកឧត្តមសេនីយ៍ត្រី ហួយ សុផា

នៅព្រឹកថ្ងៃទី១៥ ខែមិថុនា ឆ្នាំ២០២៤ នេះ ឯកឧត្តមបណ្ឌិត ទូច វណ្ណៈ ប្រធានសមាគមសម្ព័ន្ធសារព័ត៌មានឯករាជ្យ (IPA) និងក្រុមការងារ បានអញ្ជើញគោរពវិញ្ញាណក្ខន្ធសពលោកឧត្តមសេនីយ៍ត្រី ហួយ សុផា នាយរងផ្នែកកងកិត្តិយស នៃអង្គភាពការពារព្រះបរមរាជវាំង នាយកដ្ឋានអង្គរក្ស អគ្គស្នងការដ្ឋាននគរបាលជាតិ ក្រសួងមហាផ្ទៃ ត្រូវជាឪពុកបង្កើតរបស់លោក ថែ ពន្លឺ និងកញ្ញា ថែ រក្សា សមាជិកគណៈកម្មាធិការប្រតិបត្តិសមាគមសម្ព័ន្ធសារព័ត៌មានឯករាជ្យ នៅភូមិល្ពាច ឃុំបឹងព្រះ ស្រុកបាភ្នំ ខេត្តព្រៃវែង។

ក្នុងឱកាសនោះ ឯកឧត្តមបណ្ឌិត ទូច វណ្ណៈ និងក្រុមការងារ ក៏បាននាំយកថវិការបស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានកិត្តិយសសមាគមសម្ព័ន្ធសារព័ត៌មានឯករាជ្យ និងលោកជំទាវ កែ សួនសុភី ស សុខា ចំនួន ១ ៨០០ ០០០(មួយលាន ប៉ែតសិបម៉ឺនរៀល) ចូលបុណ្យសពលោកឧត្តមសេនីយ៍ត្រី ហួយ សុផា ផងដែរ។

សូមបញ្ជាក់ជូនថា លោកឧត្តមសេនីយ៍ត្រី ហួយ សុផា បានទទួលមរណភាពកាលពីថ្ងៃទី១៣ ខែមិថុនា ឆ្នាំ២០២៤ វេលាម៉ោង ១២:២០ថ្ងៃ ក្នុងជន្មាយុ ៥៨ឆ្នាំ ដោយរោគាពាធ៕