តើ លោក គង់ វុន មានអំណាចធំប៉ុណ្ណា ទើបហ៊ាន ឈូសឆាយដីពព្រៃរបស់រដ្ឋ មេឃុំឆ្លើយមិនដឹង??
ខេត្តសៀមរាប៖ ដូចពាក្យចាស់ពោលមិនខុសមែន (ដីព្រៃរបស់រដ្ឋ) បើខ្មោចស្រុកមិនឲ្យដៃខ្មោចព្រៃក៏វាមិនហ៊ាន។ បើតាមប្រភពព័ត៌មានពីអ្នកឆ្លងកាត់នៅចំណុចត្រពាំងកណ្ដៀងឈៀងខាងកើតស្ថិតក្នុងភូមិ រូងថ្មី ឃុំល្វែងឫស្សី ស្រុកជីក្រែង ខេត្តសៀមរាប ប្រាប់អ្នកសារព័ត៌មានថា មានការកាប់ទន្ទ្រាន
ឈូសឆាយដីព្រៃរបស់រដ្ឋយ៉ាងគគ្រឹកគគ្រេង ដែលអ្នកប្រព្រឹត្តទាំងនោះមានឈ្មោះ គង់ វុន។ ប្រភពបន្តថា មិនដឹងលោក គង់ វុន នោះ
មានខ្សែរ ឬអំណាចធំប៉ុណ្ណាទើបហ៊ានរំលោភឈូសឆាយដីព្រៃរបស់រដ្ឋដោយមិនរំខានដល់ អាជ្ញាធរដែនដី ឬជំនាញពាក់ព័ន្ធយ៉ាងដូច្នេះ?។
ជារៀងរាល់ថ្ងៃ លោក គង់ វុន បានប្រើស្នៀតពិសេស ពេលថ្ងៃយកគោយន្តកែច្នៃដឹកកម្មករចូលកាប់បំផ្លាញព្រៃឈើដោយដៃអស់រាប់សិបហិចតា ពេលយប់លោកប្រើគ្រឿងចក្រ។
ជាក់ស្ដែងនៅយប់ថ្ងៃទី ១៣ ខែមិថុនា ឆ្នាំ២០២៤ វេលាម៉ោង៩:៤៥នាទី លោក គង់វុន បានយកគ្រឿងចក្រអាប៊ុលចូលរុញប្រមូល
ដើមឈើដែលកាប់ឆ្ការរួចជាដុំៗ ដើម្បីដុតកម្ទេចចោលនៅនឹងកន្លែង។
បញ្ហាខាងលើអង្គភាពសារព័ត៌មានយើងបានរាយការណ៍តាមប្រព័ន្ធតេឡេក្រាមទៅលោក បូ ម៉េងទ្រី អភិបាលស្រុកជីក្រែង លោកបានចូលមើលហើយតែមិនឆ្លើយតបមកវិញនោះទេនៅមុនពេលចេញផ្សាយនេះ។
ចំណែក លោក ទា គឹមសុទ្ធ ប្រធានមន្ទីរកសិកម្មខេត្តសៀមរាប លោកក៏ក៏មិនឆ្លើយតដែល បន្ទាប់ពីអង្គភាពយើងបានរាយកាណ៍ជូនលោក។
រីឯលោក ម៉ុង ប៊ុលីម នាយខ័ណ្ឌរដ្ឋបាលព្រៃឈើប្រចាំខេត្តសៀមរាប អង្គភាពសារព័ត៌មានយើងរាយការណ៍និងបញ្ជូនរូបភាពតារយៈតេឡេក្រាម លោកក៏ចូលមើលហើយតែមិនឆ្លើយតបដូចគ្នា។
បើតាមលោក យន្ត ប្រុស មេឃុំល្វែងឫស្សី បានឆ្លើយយ៉ាងខ្លីថា (លោកមិនដឹងទេ)។
អង្គភាពសាព័ត៌មានយើង រង់ចាំការបកស្រាយឡើងវិញរាល់ មន្ត្រីជំនាញពាក់ព័ន្ធដែលព័ត៌មានយើងបាន ទំនាក់ទំនងទៅហើយតែមិនទទួលបានការឆ្លើយតប ផ្ទុយពីប្រសាសន៍សម្ដេចតេជោ ហ៊ុន សែន និងសម្ដេចបវរធិបតី ហ៊ុន ម៉ាណែត (អង្គភាពរដ្ឋត្រូវធ្វើការឲ្យបានល្អសហការល្អជាមួយអ្នកសារព័ត៌មាន ព័ត៌មានជាអំណាចទី៤ ដែលជួយរាជរដ្ឋាភិបាលក្នុងការអភិវឌ្ឍជាតិ និងរបបសារព័ត៌មានជាគោល)។
សម្ដេចធិបតីហ៊ុនម៉ាណែតនាយករដ្ឋមន្ត្រីកម្ពុជា ធ្លាប់មានអនុសាសន៍ទៅកាន់អភិបាលខេត្ត សម្ថកិច្ច និងជំនាញពាក់ព័ន្ធត្រូវការពារនិងបង្រ្កាបឲ្យបាននូវបុគ្គលខិលខូចដែលចូលកាន់កាប់ហ៊ុំព័ទ្ធយកដីរបស់រដ្ឋមកធ្វើជាកម្មសិទ្ឌិផ្ទាល់ខ្លួន ត្រូវចាប់ខ្លួនយកមក ផ្ដន្ទាទោសតាមច្បាប់ជាដាច់ខាត។
ប្រជាពលរដ្ឋក៏ដូចជាមន្ត្រីរាជការសំណូមពរដល់ ឯកឧត្ដម ប្រាក់ សោភ័ណ្ឌ អភិបាល នៃគណអភិបាលខេត្តសៀមរាបនិងជាប្រធានគណៈបញ្ជាការឯកភាពខេត្ត មេត្តាមានវិធានចុះទប់ស្កាត់និងបង្រ្កាបការកាប់ទន្ទ្រានកាន់កាប់ដីព្រៃរបស់រដ្ឋនៅចំណុចទីតាំងខាងលើនេះផងទាន៕ការិយាល័យផ្សព្វផ្សា 070926014/0889846555
