លោកឈាង សុវណ្ណរតនាថ្នាក់ពង្រឹងសង្កាត់ស្វាយរលំ ចែកម៉ាសជាអំណោយដ៏ថ្លៃថ្លារបស់ សម្តេចតេជោ ហ៊ុន សែន ជូនប្រជាពលរដ្ឋ ដើម្បីបង្ការនិងទប់ស្កាត់ ជំងឺកូ វីដ-១៩

កណ្តាល៖លោក ឈាង សុវណ្ណរតនាព្រឹកថ្ងៃទី២៨ ខែកុម្ភៈ ឆ្នាំ២០២១ នេះ បានដឹកនាំក្រុមការងារ បន្តចុះចែកម៉ាសដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា តាមរយៈលោក គង់ សោភ័ណ្ឌ អភិបាលខេត្ត ជូនដល់បងប្អូនប្រជាពលរដ្ឋតាមផ្សារតាខ្មៅក្នុងសង្កាត់ស្វាយរលំ ក្រុងតាខ្មៅ ខេត្តកណ្តាល ដើម្បីបង្ការ និង ទប់ស្កាត់ ការរីករាលដាលជំងឺកូវីដ-១៩ ក្នុងសហគមន៍ ។

លោកឈាង សុវណ្ណរតនា បានអំពាវនាវដល់ ដល់ប្រជាពលរដ្ឋ បង្កើនការ យកចិត្តទុកដាក់ការពារ​ រក្សាអនាម័យជានិច្ចតាមការណែនាំរបស់ក្រសួងសុខាភិបាល ដើម្បីចូលរួមទប់ស្កាត់​ បង្ការ ហានិភ័យពីការឆ្លងជំងឺ កូវីដ-១៩ ទាំងអស់គ្នា ដោយផ្តើមចេញពីខ្លួនយើង និង ត្រូវលាងសំអាត នូវភាពកខ្វក់ ។

ជាមួយគ្នានេះ ប្រជាពលរដ្ឋ ត្រូវពាក់ម៉ាសជាប្រចាំ មានអាកុល ឬ ជែល តាមខ្លួនជានិច្ច ផងដែរ ៕