លោកឈាង សុវណ្ណរតនា ប្រធានចុះជួយសង្កាត់ស្វាយរលំ និងជាប្រធានក្រុមការងារសមាគមសម្ព័ន្ធយុវជនស្ម័គ្រចិត្តខ្មែរបានសំណេះសំណាលជាមួយលោកគ្រូ អ្នកគ្រូ នឹងយុវជន ស.ស.យ.ក.សង្កាត់ស្វាយរលំក្តុងតាខ្មៅ ប្រមាណ១៥០នាក់

កណ្តាល៖ ពេលព្រឹកថ្ងៃអាទិត្យ ៣ កើត ខែផល្គុន ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ១៤ ខែកុម្ភៈ ឆ្នាំ២០២១

លោកឈាង សុវណ្ណរតនា ប្រធានក្រុមការងាររាជរដ្ឋាភិបាលចុះសង្កាត់ស្វាយរលំ និងជាប្រធានក្រុមការងារសមាគមសម្ព័ន្ធយុវជនស្ម័គ្រចិត្តខ្មែរ ព្រមទាំងសហការី បានធ្វើការសំណេះសំណាលជាមួយលោកគ្រូ អ្នកគ្រូ នឹងយុវជន ស.ស.យ.ក.សង្កាត់ ចំនួន ១៥០នាក់ ដោយមានការចូលរួមពីលោក ចៅសង្កាត់ស្វាយរលំ ក្រុមប្រឹក្សាសង្កាត់ ស្មៀនសង្កាត់ និងកម្លាំងនគរបាលរដ្ឋបាលសង្កាត់ សរុបទាំងអស់ចំនួន ១៥០នាក់ស្ថិតនៅក្នុងសាលាអនុវិទ្យាល័យ ស្វាយរលំ ក្នុងភូមិលេខ៣ សង្កាត់ស្វាយរលំ ក្រុងតាខ្មៅ។

ក្នុងនោះដែរលោក ឈាង សុវណ្ណរតនា ប្រធានក្រុមការងារចុះជួយសង្កាត់ស្វាយរលំ រីករាយ ថ្ងៃបុណ្យនៃក្តីស្រឡាញ់ សូមគោរពជូនពរលោកតា លោកយាយ អ៊ុ មា មីង  ពុកម៉ែ បងប្អូន មិត្ដភក្រ័ទាំងអស់ជួបមនុស្សស្រឡាញ់ពិតៗ មានសុខសុភមង្គល សុខភាពល្អ កំលាំងពលំមាំមួន។

សូមធ្វើដំណើរទៅណាមកណា ជិតក្តីឆ្ងាយក្តីអធ្យាស្រ័យល្អក្នុងកាបើកបរ សូមមានសុខសុវត្ថិភាព ។

សូមរក្សាអនាម័យអោយបានខ្ជាប់ខ្ជួន និងអនុវត្តតាមវិធានរបស់ក្រសួងសុខាភិបាលអោយបានម៉ឺងម៉ាត់ ដើម្បីខ្លួនយើងនិងអ្នកជុំវិញយើង។

– អរគុណសន្តិភាព !

– អរគុណនយោយបាយ ឈ្នះ ឈ្នះ !

សូមបញ្ជាក់ផងដែរថាអំណោយដែលបានផ្ដល់ជូន១៥០នាក់ បានទទួលការឧបត្ថម្ភ លោកឈាង សុវណ្ណរតនារួមមាន៖ មីម៉ាម៉ា ត្រីខកំប៉ុង  ទឹកស៊ីអ៊ីវ សៀវភៅ អាល់កុល ក្រម៉ានិងថវិកាចំនួន៥ម៉ឺនរៀលផងដែរ៕