លោក ឌី រ័ត្នខេមរុណ អភិបាលរង ខណ្ឌមានជ័យបន្តចុះជម្រុញ បងប្អូន កម្មករ កម្មការនី តាមបន្ទប់ផ្ទះជួល ក្នុងតំបន់ក្រហម អោយទៅយកសំណាកទាំងអស់គ្នា នៅតំបន់ភូមិឡ៍ ព្រំប្រទល់ ពោធិ៍សែនជ័យ និង ភូមិដំណាក់ធំ ៣ ខណ្ឌមានជ័យ ក្នុងសង្កាត់ស្ទឹងមានជ័យទី ៣ និង ភូមិឬស្សី សង្កាត់ស្ទឹងមានជ័យទី ២ ខណ្ឌមានជ័យ រាជធានីភ្នំពេញ

លោក ឌី រ័ត្នខេមរុណ អភិបាលរង ខណ្ឌមានជ័យ បានលើកឡើងថា តំបន់បិទខ្ទប់ នៃតំបន់ក្រហម ក្នុង ភូមិសាស្រ្តសង្កាត់ស្ទឹងមានជ័យ ៣ គឺនៅសល់តែផ្នែកខ្លះនៃភូមិទ្រា៤ ភូមិដំណាក់ធំ២ និងភូមិដំណាក់ធំ៣ ប៉ុណ្ណោះ ដូច្នេះសូម បងប្អូនប្រជាពលរដ្ឋ កម្មករ កម្មការនី ដែលមិនទាន់ទៅយកសំណាក សូមអញ្ជើញទៅយកសំណាកអោយបានគ្រប់គ្នា ដើម្បីចូលរួមចំណែក កាត់បន្ថយការរីករាលដាលនៃជំងឺ កូវីដ-១៩ ជាពិសេសបងប្អូនប្រជាពលរដ្ឋ កម្មករ កម្មការនី ត្រូវចូលរួមបន្តអនុវត្តនូវវិធានការ ៣ ការពារ និង ៣កុំ របស់រាជរដ្ឋាភិបាល ហើយប្រសិនបើគ្មានការចាំបាច់ សុំកុំចេញពីផ្ទះ ។

ទន្ទឹមនឹងនេះដែរ លោក ឌី រ័ត្នខេមរុណ អភិបាលរង បន្ថែមទៀតថា ប្រសិនបើបងប្អូនប្រជាពលរដ្ឋ កម្មករ កម្មការនី មានអាការៈ មិនស្រួលខ្លួន ដូចជា ក្តៅខ្លួន ឈឺបំពង់ក ផ្តាសាយ ថប់ដង្ហើម ស្ថិតក្នុងការសង្ស័យ សូមប្រញាប់ទៅពិនិត្យនិងយកសំណាកភ្លាមដើម្បីដឹងថាយើងមានសញ្ញាកូវីដ -១៩ ឬក៌គ្មាន ងាយស្រួលក្រុមគ្រូពេទ្យជួយសង្គ្រោះបានទាន់ពេលវេលា ៕