ពលរដ្ឋខ្មែរចូលលេងល្បែងខុសច្បាប់ នៅកាស៊ីណូ សុខ គីមម៉េង តន់ហន់ឃុំព្រែកក្រឹសស្រុកកំពង់ត្រាច ស្នងការខេត្តកំពត នៅស្ងៀមគ្មានចំណាត់ការបង្ក្រាប
ខេត្តកំពត ៖ ក្រុមប្រជាពលរដ្ឋបានលើកឡើងថា មានទីតាំងកាស៊ីណូមួយនៅព្រែកក្រឹសឈ្មោះថា “សុខ គីមម៉េង”SANINO SOK klM MENG បាននិងងកំពុងបើកដំណើរការឲ្យប្រជាពលរដ្ឋខ្មែរ ក្នុងស្រុករបស់ខ្លួនចូលលេងល្បែងស៊ីសងនៅកាស៊ីណូមួយនេះ យ៉ាងគគ្រឹក គគ្រេង និងមានការដាក់ភ្នាល់លុយរាប់ម៉ឺនដុល្លារថែមទៀតផង។
ពលរដ្ឋបានឲ្យដឹងទៀតថា ជារៀងរាល់ថ្ងៃមានរថយន្តនិងម៉ូតូប្រមាណជិត២០០គ្រឿង ជារបស់ខ្មែរ បានដាក់ទំរៀបត្រៀបត្រានៅពេញទីតាំងកាស៊ីណូចំណុចខាងលើ នឹងនៅទល់មុខកាស៊ីណូ សុខ គីមម៉េង ព្រែកក្រឹស រួមមានរថសេរីទំនើបៗមួយចំនួន នឹងមានរថយន្តនិងម៉ូតូកញ្ចាស់ៗមួយចំនួនទៀត ដែលបានដាក់ផ្ញើនៅឃ្លាំងខាងឆ្វែងដៃកាសស៊ីណូ និងនៅទល់មុខកាស៊ីណូ។
បើតាមការខ្សឹបខ្សៀវពីប្រជាពលរដ្ឋនៅភូមិ-ឃុំព្រែកក្រឹសស្រុកកំពុងត្រាចថា កាស៊ីណូឈ្មោះ សុខ គីមម៉េង ព្រែកក្រឹស បានបើទីតាំងឲ្យប្រជាជនខ្មែរ ចូលយ៉ាងគំហុក តែគ្មានភ្ញៀវបរទេសចូលលេងល្បែងស៊ីសងនៅកាស៊ីណូមួយនេះសុំបីតែមួយនាក់។
បើយោងតាមការបញ្ចាក់ពី លោក ជា តារា (ចាងហ្វាងការគេហទំព័រ រក្សាសន្តិភាព)ដែលរូបគេចាំទទួលសម្របសម្រួលចែកលុយ ឲ្យសមត្ថកិច្ចនិងអ្នកកាសែតជិតឆ្ងាយក្នុងស្រុកថា កាស៊ីណូ សុខ គីមម៉េង ពេលនេះគ្មានភ្ញៀវបរទេស(វៀតណាម)ជិតខាងមកចូលលេងល្បែងក្នុងកាស៊ីណូមួយនេះសុំបីរតែមួយអ្នកពិតមែន តែយ៉ាងណាក៏មានភ្ញៀវខ្មែរ បាននឹងកំពុងចូលមកលេងល្បែងស៊ីសងនៅកាស៊ីណូមួយនេះច្រើនសម្បើមដែរ។ តែបើតាមការបង្ហើបពីអ្នកកាសែតក្នុងស្រុកថា ចាងហ្វាងព័ត៌មាន គេហទំព័រ រក្សាសន្តិភាព រូបនេះគេស្គាល់អ្នកធំម្នាក់ មានការរាប់អានដ៏សែនជិតស្និតនៅក្រសួងព័ត៌មាន គេបានយកអ្នកធំរូបនោះធ្វើជាខ្នងបង្អែក សម្រាប់សម្ញែងអ្នកកាសែតក្នុង និងចែកលុយ ឲ្យសមត្ថកិច្ច ពីស្រុកដល់ខេត្តកំពត។
យ៉ាងណាក៏ដោយ ករណីដែលកាស៊ីណូ សុខ គីមម៉េង ចំណុចតន់ហន់ឃុំព្រែកក្រឹសស្រុកកំពង់ត្រាច បើកល្បែងឲ្យពលរដ្ឋខ្មែរ ចូលទៅលេងល្បែងរាប់រយអ្នកនៅបរិវេនកាស៉ីណូខាងលើនេះ ឯកឧត្តម ម៉ៅ ចាន់មធុរិទ្ធ ស្នងការខេត្តកំពត ហាក់ដូចនៅស្ងៀម គ្មានចំណាត់ការទប់ស្កាត់ ឬបង្ក្រាបទីតាំងកាស៊ីណូខាងលើនេះឡើយ៕
