កណ្តាល ៖ ស្ត្រីម្នាក់បានរងរបួសធ្ងន់ក្នុងហេតុការណ៍គ្រោះថ្នាក់ចរាចរណ៍រវាងម៉ូតូនិងរថយន្ត ករណីនេះកើតឡើងនៅថ្ងៃព្រហស្បតិ៍ ១៤កើត ខែស្រាពណ៍ ឆ្នាំខាល ចត្វាស័ក ព.ស ២៥៦៦ ត្រូវនិងថ្ងៃទី ១១ ខែសីហា ឆ្នាំ២០២២ ត្រង់ចំណុចខាងជើងរង្វង់មូលព្រែកសំរោងប្រហែល ១០០ ម៉ែត្រ លើផ្លូវលេខ ២១០ ស្ថិតនៅភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្ដាល។
តាមសមត្ថកិច្ចបញ្ជាក់ថាក្នុងហេតុការណ៍គ្រោះថ្នាក់ចរាចរណ៍នេះបានឃាត់ខ្លួនអ្នកបើកបររថយន្តឈ្មោះ គុជ ពន្លឺ ភេទប្រុស អាយុ ២៩ឆ្នាំ មានទីលំនៅភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្ដាល។
មុនពេលកើតហេតុមានរថយន្តមួយគ្រឿងម៉ាក HYUNDAI ពណ៌ស ពាក់ផ្លាកលេខព្រៃវែង 2A-0994 អ្នកបើកបរឈ្មោះ គុជ ពន្លឺ ភេទប្រុស អាយុ ២៩ឆ្នាំ មានទីលំនៅភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្ដាល(ឃាត់ខ្លួន)រថយន្តបើកបរមានទិសដៅពីជើងទៅត្បូង មកដល់ចំណុចកើតហេតុខាងលើ បានបុកម៉ូតូមួយគ្រឿងម៉ាក HONDA SCOOPY ពណ៌ស ពាក់ផ្លាកលេខកណ្ដាល 1AL-7939 (មិនពាក់មួកសុវត្ថិភាព និង មានកញ្ចក់មើលក្រោយ) អ្នកបើកបរឈ្មោះទូច ចាន់ផល្លីកា ភេទស្រី អាយុ ៣៥ឆ្នាំ មានទីលំនៅភូមិចំពុះក្អែក សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ(រងរបួសធ្ងន់ត្រូវបានបញ្ជូនទៅសង្រ្គោះនៅមន្ទីរពេទ្យចតុមុខ)ម៉ូតូបើកបរមានទិសដៅពីជើងមកត្បូង(ទិសដៅផ្ទុយគ្នា)។ ក្នុងហេតុការណ៍នេះខូចខាតម៉ូតូធ្ងន់ ០១គ្រឿង និងរថយន្តស្រាល០១គ្រឿង។ ពាក់ព័ន្ធត្រូវបានយកមករក្សាទុកបណ្តោះអាសន្ននៅអធិកាដ្ឋាននគរបាលក្រុងតាខ្មៅ ដើម្បីបន្តនីតិវិធី៕
