លោក ជាម ច័ន្ទ សោភ័ណ្ឌ អភិបាលខេត្តត្បូងឃ្មុំ និង លោក ម៉ុន មាគ៌ា ស្នងការដ្ឋាននគរបាលខេត្តត្បូងឃ្មុំ មិនគូរមេីលរំលងម្ចាស់បនល្បែងបញ្ជាល់មាន់ដុះស្លែឈ្មោះ តា អូនជាមន្ត្រីប៉េអឹមផ្ទៃប្រទេស ហ៊ានបេីកល្បែងស៊ីសងឲ្យពលរដ្ឋខែ្មរចូលលេងយ៉ាងគំហុក លក្ខណះទ្រង់ទ្រាយធំ ចំនុចចំការកៅស៊ូ មិនទាន់ចាត់វិធានការបង្រ្កាប !
ត្បូងឃ្មុំ ÷មួយរយៈចុងក្រោយនេះ ម្ចាស់កាស៊ីណូចក្រវាលជាយដែន ចាប់ផ្ដើមដំណើរការវិញហើយ សម្រុកឲ្យពលរដ្ឋខ្មែរ ចូលលេងល្បែង បញ្ជាល់ មាន់ បៀរ អាប៉ោង យ៉ាងគគ្រឹកគគ្រេង ហើយបុគ្គលឈ្មោះតាអូន ដែលជាម្ចាស់ទីតាំងហ៊ានបើកល្បែងនោះ ប្រហែលជាមានខ្នងបង្អែករឹងមាំចាំជួយបិទបាំងនៅពីក្រោយ ទើបធ្វើអ្វីៗតាមអំពើចិត្ត។
កន្លងមក.! រាជរដ្ឋាភិបាលកម្ពុជា បានប្រកាសបិទល្បែងគ្រប់ប្រភេទ ទូទាំងប្រទេស បែរជា លោក ថាញ់ សុខវ៉ាត អធិការដ្ឋាននគរបាលស្រុកពញ្ញាក្រែក និង លោក លីសុភាលីន អភិបាលស្រុកពញ្ញាក្រែក បណ្តែតបណ្តោយឲ្យមានល្បែងភ្នាល់ដាក់លុយស៊ីសងខុសច្បាប់ ក្នុងមូលដ្ឋានរបស់ខ្លួន លេងស្រែកហ៊ោកញ្ជ្រៀវ ពេញក្នុងកាស៊ីណូចក្រវាលជាយដែន ហើយមានអ្នកចូលរួមលេងល្បែង បញ្ជាល់មាន់ យ៉ាងពពាក់ពពូន នៅចំណុចចម្ការកៅស៊ូ ក្នុងភូមិអន្លង់ជ្រៃ ឃុំកក់ ស្រុកពញាក្រែក ដោយសេរី ។
បញ្ហានេះ អាជ្ញាធរមូលដ្ឋាន និងសមត្ថកិច្ចថ្នាក់ស្រុក ព្រមទាំងស្ថាប័នពាក់ព័ន្ធក្នុងខេត្តត្បូងឃ្មុំ មិនខ្វល់ពីអានុសាសន៍របស់ថ្នាក់ដឹកនាំកម្ពុជា បានចេញចរាចរណ៍ណែនាំនៅពេលថ្មីៗនេះ ឲ្យបិទល្បែងគ្រប់ប្រភេទ ទូទាំងប្រទេស បែរជាម្ចាស់កាស៊ីណូចក្រវាលជាយដែន ហ៊ានផ្គើនបទបញ្ជាប្រមុខថ្នាក់នាំកម្ពុជាទៅវិញ។
ហេតុនេះហើយទើប ប្រជាពលរដ្ឋអំពាវនាវឲ្យលោក ម៉ុន មាគ៌ា ស្នងការដ្ឋាននគរបាលខេត្តត្បូងឃ្មុំ និងលោក ជាម ចន្ទ័សោភ័ណ្ឌ អភិបាលខេត្តត្បូងឃ្មុំ ចាត់វិធានការបង្ក្រាបល្បែងភ្នាល់ដាក់លុយស៊ីសងខុសច្បាប់ នៅចំណុចចំការកៅស៊ូ ភូមិអន្លង់ជ្រៃ ឃុំកក់ ស្រុកពញ្ញាក្រែក ខេត្តត្បូងឃ្មុំ ជាបន្ទាន់ ជៀសវាងអាចកេីតអំពើហឹង្សាក្នុងគ្រួសារ ចោរកម្មផ្សេងៗ ដូចជា ចោរលួច ឆក់ ប្លន់ និងគ្រឿងញៀន រីករាលដាលគូរឲ្យកត់សម្គាល់ថែមទៀតផង។
ដូច្នេះលោក ម៉ុន មាគ៌ា ស្នងការដ្ឋាននគរបាលខេត្តត្បូងឃ្មុំ មិនគួរបណ្តែតបណ្តោយតទៅទៀតនោះទេ ព្រោះល្បែងភ្នាល់ស៊ីសងខុសច្បាប់ ក្នុងភូមិអន្លង់ជ្រៃ ឃុំកក់ ស្រុកពញ្ញាក្រែក ខេត្តត្បូងឃ្មុំ កំពុងតែធ្វើឲ្យប៉ះពាល់យ៉ាងខ្លាំង ដល់បងប្អូនពលរដ្ឋ រស់នៅក្នុងមូលដ្ឋាន ។
ទេីបមានការរិះគន់ចំៗ ចាប់តាំងពីលោក ម៉ុន មាគ៌ា ចូលកាន់តំណែងជាស្នងការដ្ឋាននគរបាលខេត្តត្បូងឃ្មុំ គឺមិនសូវយកចិត្តទុកដាក់បង្ក្រាបល្បែងស៊ីសង បញ្ជាល់មាន់ បៀរ អាប៉ោង និងកន្ទុយលេខដើម្បីពង្រឹងសន្តិសុខសង្គម ជូនពលរដ្ឋក្នុងមូលដ្ឋាននោះទេ។
ដូច្នេះថ្នាក់ដឹកនាំក្រសួងមហាផ្ទៃនិងនាយឧត្ដមសេនីយ៍ ស ថេត ឡេីងតំណែងថ្មីៗ អគ្គស្នងការនគរបាលជាតិ មិនគួរមើលរំលងភាពអសកម្មរបស់លោកម៉ុនមាគ៌ា ស្នងការដ្ឋាននគរបាលខេត្តត្ត្បូងឃ្មុំទៀតឡើយ៕
