កំពង់ធំ៖ រថយន្តហ៊ីយ៉ាន់ដាយដឹកស៊ីម៉ង់ត៍មួយគ្រឿង បានបើកជែងរថយន្តមួយគ្រឿងទៀត តែមិនផុត ក៏ជ្រុលទៅបុករថយន្តស្តារ៉ិច មកពីមុខពេញទំហឹង បណ្ដាលឱ្យមានមនុស្ស ៣នាក់រងរបួសធ្ងន់។
ហេតុការណ៍គ្រោះថ្នាក់ចរាចរណ៍នេះបានកើតឡើងនៅវេលាម៉ោង១២និង១០នាទីរសៀល ថ្ងៃទី២៥ ខែសីហា ឆ្នាំ២០២០ តាមបណ្តោយផ្លូវជាតិលេខ៦ ត្រង់ចន្លោះគីឡូម៉ែត្រលេខ៩៥ និង៩៦ ត្រង់ចំណុចភូមិសូយោង ឃុំសូយោង ស្រុកតាំងគោក ដែលរថយន្តបង្កម៉ាកហ៊ីយ៉ាន់ដាយ ដឹកស៊ីម៉ង់ត៍ បើកបរដោយឈ្មោះ ជៀន ចេក ភេទប្រុស អាយុ៣៧ឆ្នាំ រស់នៅភូមិស្វាយពក ឃុំបាធាយ ស្រុកបាធាយ ខេត្តកំពង់ចាម។
ចំណែករថយន្តរងគ្រោះ ម៉ាកស្តារ៉ិច បើកបរដោយឈ្មោះ ម៉េត សុខេង ភេទប្រុស អាយុ៤៥ឆ្នាំ រស់នៅភូមិជុបរំដេង ឃុំកន្ទួត ស្រុកស្វាយលើ ខេត្តសៀមរាប (រងរបួសធ្ងន់) និងអ្នករួមដំណើរ ទី១ឈ្មោះ ឆាន់ ស្រីម៉ៅ ភេទស្រី អាយុ៤១ឆ្នាំ រស់នៅភូមិ-ឃុំ ជាមួយគ្នា(រងរបួសធ្ងន់)។ អ្នករួមដំណើរទី២ ឈ្មោះ ម៉ុក អាត ភេទប្រុស អាយុ២៨ឆ្នាំ រស់នៅភូមិដូនលៃ ឃុំគរ ស្រុកព្រៃឈរ ខេត្តកំពង់ចាម (រងរបួសធ្ងន់) ។សមត្ថកិច្ចបានឱ្យដឹងថា មុនពេលកើតហេតុ គេឃើញរថយន្តម៉ាកហ៊ីយ៉ាន់ដាយដឹកស៊ីម៉ង់ត៍មួយគ្រឿង ពណ៌ស ពាក់ស្លាកលេខ កំពង់ចាម 3A-7354 បានព្យាយាមវ៉ាជែងរថយន្តមួយគ្រឿងទៀត តែមិនផុត ក៏ជ្រុលទៅបុករថយន្តស្តារ៉ិច ពណ៌ស ពាក់ស្លាកលេខ សៀមរាប 2B-6706 ដែលបើកមកពីមុខ ក្នុងដំណើរទិសដៅផ្ទុយគ្នា ពេញទំហ៊ឹងតែម្ដង បណ្ដាលឱ្យមនុស្ស៣នាក់នៅក្នុងរថយន្តស្តារ៉ិច រងរបួសធ្ងន់។ ភ្លាមៗនោះ អ្នកបើកបររថយន្តបង្ក បានចុះរត់គេចខ្លនបាត់ ក្រោយពេលកើតហេតុ ជនរងគ្រោះទាំង៣នាក់ ត្រូវបញ្ជូនទៅសង្រ្គោះនៅមន្ទីរពេទ្យបង្អែកបារាយណ៍
សន្ទុក ចំណែករថយន្តបង្ក និងរថយន្តរងគ្រោះ ត្រូវសមត្ថកិច្ចអូសយកមករក្សាទុកនៅអធិការដ្ឋាននគរបាលស្រុកតាំងគោក ដើម្បីរង់ចាំដោះស្រាយគ្នានៅពេលក្រោយ ក្រោយពេលកើតហេតុ ជនរងគ្រោះទាំង៣នាក់ ត្រូវបញ្ជូនទៅសង្រ្គោះនៅមន្ទីរពេទ្យបង្អែកបារាយណ៍សន្ទុក ចំណែករថយន្តបង្ក និងរថយន្តរងគ្រោះ ត្រូវសមត្ថកិច្ចអូសយកមករក្សាទុកនៅអធិការដ្ឋាននគរបាលស្រុកតាំងគោក ដើម្បីរង់ចាំដោះស្រាយគ្នានៅពេលក្រោយ។
បើតាមអាជ្ញាធរបានឱ្យដឹង ថាមូលហេតុគ្រោះថ្នាក់ចរាចរណ៍នេះ បង្កមកពីរថយន្តម៉ាកហ៊ីយ៉ាន់ដាយ ព្យាយាមវ៉ាជែងក្នុងស្ថានភាពគ្រោះថ្នាក់ ៕
