មេបញ្ជាការកងការពារព្រំដែនលេខ៥០៣ មួយរូប ត្រូវបានគេប្រទះឃើញច.ង,ក ,នៅមុខបន្ទប់ទីបញ្ជាការ បណ្តាលឱ្យស្លា.ប
ខេត្តតបន្ទាយមានជ័យ ៖ មេបញ្ជាការកងការពារព្រំដែនលេខ៥០៣ មួយរូប ត្រូវបានគេប្រទះឃើញច.ង,ក, នៅមុខបន្ទប់ទីបញ្ជាការ បណ្តាលឱ្យស្លា.ប់,បាត់បង់ជីវិត នាព្រឹកថ្ងៃទី២៦ ខែមីនា ឆ្នាំ២០២៣ ស្ថិតនៅភូមិបឹងស្នោ ឃុំស្លរក្រាម ស្រុកស្វាយចេក ខេត្តបន្ទាយមានជ័យ។
មន្ត្រីជំនាញចុះទៅពិនិត្យបានឱ្យដឹងថា ជនរងគ្រោះឈ្មោះ ឃួន ជឿន ភេទប្រុស អាយុ៥៨ឆ្នាំ មានឋានន្តរស័ក្តិឧត្តមសេនីយ៍ត្រី មុខងារជាមេបញ្ជាការកងការពារព្រំដែនលេខ៥០៣ មានប្រពន្ធឈ្មោះ សុខ ណៃ អាយុ៥៨ឆ្នាំ មានកូន៥នាក់ (ស្រី១នាក់ប្រុស៤នាក់) រស់នៅភូមិបន្ទាយថ្មី ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ។
មន្ត្រីជំនាញរូបនោះបានបញ្ជាក់ថា តាមប្រភពពីកម្លាំងយោធាកងការពារព្រំដែនលេខ៥០៣ បានប្រាប់ឱ្យដឹងថា នៅមុនពេលកើតហេតុ ចន្លោះម៉ោង៤ទៅ៥ជិតភ្លឺថ្ងៃទី២៦ ខែមីនា ឆ្នាំ២០២៣ គាត់ឃើញជនរងគ្រោះចេញមកក្រៅបន្ទប់ដេក ហើយអង្គុយលេងជាធម្មតា ព្រោះរាល់ពេលទៀបភ្លឺ គាត់តែងតែឃើញជនរងគ្រោះចេញពីបន្ទប់ហាត់ប្រាណរាល់ថ្ងៃ ហើយមិនបានចាប់អារម្មណ៍ គាត់ក៏ចូលទៅដេកវិញ។
តាមប្រភពខាងលើបានបន្តថា លុះព្រឹកឡើងនៅវេលាម៉ោង៦ព្រឹកថ្ងៃទី២៦ ខែមីនា ឆ្នាំ២០២៣ ពេលគាត់ចេញពីបន្ទប់ដេក ស្រាប់តែប្រទះឃើញជនរងគ្រោះបានច.ងនឹងខ្សែអង្រឹង ជាប់ចំរឹងដែកមុខបន្ទប់ ដោយជើងរបស់ជនរងគ្រោះជាប់លើកៅអីជ័រពណ៌ក្រហម ដែលផុតពីការ៉ូកន្លះម៉ែត្រ បណ្តាលឱ្យស្លា.ប់បាត់បង់ជីវិតទៅហើយ ។ បន្ទាប់ពីហេតុការណ៍បែបនេះ គាត់ក៏បានរាយការណ៍ជូនមន្ត្រីជំនាញចុះមកពិនិត្យឃើញថា ជនរងគ្រោះពិតជាធ្វើអត្តឃា.តប្រាកដមែន ។
មន្ត្រីជំនាញបានបញ្ជាក់ថា តាមកម្លាំងយោធាក្នុងអង្គភាពបានអោយដឹងថា រយៈពេលប៉ុន្មានថ្ងៃកន្លងមកនេះ ជនរងគ្រោះដូចជាស្រគត់ស្រគុំ មិនចង់និយាយរកអ្នកណា ហើយនិយាយស្តីប្លែកៗ និងមានជម្ងឺប្រចាំកាយខ្លះ ។ បើនៅបន្ទាយ រៀងរាល់ម៉ោង៤ទៅ៥ជិតភ្លឺ ជនរងគ្រោះតែងតែចេញមកហាត់ប្រាណនៅមុខបន្ទប់ជាប្រចាំ លុះនៅថ្ងៃកើតហេតុ ស្រាប់តែគេបានប្រទះឃើញជនរងគ្រោះយ៉ាងរន្ធ.ត់នៅមុខបន្ទប់តែម្តង ។
ក្រោយពេលមន្ត្រីជំនាញពិនិត្យហើយ ក៏បានប្រគល់ស.ពជនរងគ្រោះជូនអង្គភាព ហើយក្រុមគ្រួសាររបស់ជនរងគ្រោះក៏បានទទួលយកស.ពទៅធ្វើបុណ្យតាមប្រពៃណី នៅភូមិបន្ទាយថ្មី ឃុំអូរបីជាន់ ស្រុកអូរជ្រៅ ៕
