អូសលៀសក្នុងរដូវបិទនេសាទនៅតែបន្តកើតឡើងយ៉ាងគគ្រឹកគគ្រេងសមត្ថកិច្ចជំនាញមិនចាត់វិធានការបង្រ្កាប
ពោធិ៍សាត់៖ ការដឹកជញ្ជូនលៀសតាមរថយន្តខ្នាតធំរាប់ពាន់ការុងនៅក្នុងទឹកដីខេត្តពោធិ៍សាត់នៅតែបន្តកើតឡើងយ៉ាងគគ្រឹកគគ្រេងសមត្ថកិច្ចជំនាញមិនចាត់វិធានការបង្រ្កាប។បច្ចុប្បន្ននេះគេសង្កេតឃើញឈ្មួញមានការដឹកជញ្ជូនលៀសតាមកាណូតយកមកឡើងរថយន្តនៅជើងឃុំកំពង់លួងកំពុងតែរងការរិះគន់ពីប្រពលរដ្ឋប្រកបមុខរបរធ្វើនេសាទ។
| ប្រជាពលរដ្ឋប្រកបមុខរបរធ្វើនេសាទប្រើឧបករណ៍នេសាទ រស់នៅ ឃុំកំពុងលួង ស្រុកក្រគរ ខេត្តពោធិ៍សាត់ និងប្រជាពលរដ្ឋស្រុកកណ្ដៀងបានរាយការណ៍ឲ្យដឹងថាលៀសដែលដឹកតាមកាណូតយកមកឡើងឡាននៅជើងកំពុងលួងលក់ចែកចាយទៅឲ្យឈ្មួញវៀតណាមដើម្បីទិញបន្ត។តាមប្រភពដដែលបានឲ្យដឹងថាមានអ្នករត់ការមានឈ្មោះចែវណ្ណនីនឹងឈ្មោះតាម៉ុងជាអ្នកយកលុយ ដើរចែកតាមជំនាញសមត្ថកិច្ចទើបពួកគាត់អាចអូសនិងកាវលៀសក្នុងតំបន់អភិរក្សនិងប្រមូលទិញលៀសយកទៅលក់ទៅអោយឈ្មួញវៀណាម។ប្រជាពលរដ្ឋធ្វើសកម្មភាពប្រព្រឹត្តបទល្មើសនេសាទប្រើឧបករណ៍ហាមឃាត់មានឈ្នាងអូសលៀសគឺនៅចំណុចតំបន់អភិរក្សនៅដែននេសាទគ្រប់គ្រងរបស់លោកភុំវណ្ណនាយផ្នែកជលផលលោកភុំវិមលនាយខណ្ឌរដ្ឋបាលជលផលនិងលោកឡាយវិសិដ្ឋប្រធានមន្ទីរកសិកម្មរុក្ខាប្រម៉ាញ់និងនេសាទខេត្តពោធិ៍សាត់បានរក្សាភាពស្ងៀមស្ងាត់។គួរឲ្យដឹងដែរថាការនេសាទដោយប្រើឧបករណ៍ឈ្នាងអូសលៀសនៅទឹកសាបដែលអូសឫរុញដោយកម្លាំងម៉ាស៊ីនយ៉ាងអនាធិបតេយ្យកាវយកទាំងកូចៅលៀសគ្រោះមហន្តរាយហិនហោចដល់វារីសត្វវារីរុក្ខជាតិដុះនៅល្បប់បាតទន្លេធនធានជលផលប្រព័ន្ធអេកូឡូសស៊ីជលផលទឹកសាបនេះមិនមែនជារឿងថ្មីទេគឺជារឿងចាស់យូរយាណាស់មកហើយតែអត់មានសមត្ថកិច្ចណាមួយធ្វើការបង្ក្រាបសោះឡើយ។ ជុំវិញសេចក្តីរាយការណ៍មិនដឹងថាតើលោកនាយខណ្ឌរដ្ឋបាលជលផលលោកភុំវិមលនិងលោកឡាយវិសិដ្ឋជាប្រធានមន្ទីរបានទទួលផលប្រយោជន៍ពីអ្នកកាវលៀសដែរឬអត់នោះទេ?ប្រសិនអស់លោកមិនបានអីទេគួរតែមានវិធានការនិងចំណាត់ការលើជនល្មើសកំពង់ធ្វើសកម្មភាពនៅចំណុចដូចខាងលើនេះ។
ពាក់ព័ន្ធនឹងករណីខាងលើនេះសារព័ត៌មានយើងបានទំនាក់ទំនងទៅលោកលោកភុំវណ្ណានាយផ្នែកជលផលគ្រប់គ្រង៣ស្រុកបានបញ្ជាក់ថានៅឆ្ងាយ។ ចំណែកលោកភុំវិមលនិងលោកឡាយវិសិដ្ឋចុចដែលតែមិនលើទូរស័ព្ទ។សូមជម្រាបជូនថាបើតាមលិខិតលេខ១១៧៣ស.ជ.ណ/ក.ស.ករបស់ក្រសួងកសិកម្មរុក្ខាប្រមាញ់ និងនេសាទ ចុះថ្ងៃទី០៥ ខែកុម្ភៈឆ្នាំ២០២០បានបញ្ជាក់ថាបទល្មើសកាវលៀសបង្កឲ្យប៉ៈពាល់វារីសត្វ រុក្ខជាតិស្រទាប់បាតនឹងប្រព័ន្ធអេកូឡូស៊ីយ៉ាងធ្ងន់ធ្ងរដាច់ខាតមិនឱ្យមានសកម្មភាពបទល្មើសកាវលៀសជាដាច់ខាត៕ 012926014
|
