(កណ្តាល ) ថ្ងៃទី០៦ខែសីហាឆ្នាំ២០២៣វេលាម៉ោង០១និង៣០នាទីរំលងអាទ្រាត។
ចំណុច៖តាមផ្លូវ២១A ភូមិព្រែកសំរោង២ សង្កាត់តាខ្មៅក្រុងតាខ្មៅ ខេត្តកណ្តាល។
ជនរងគ្រោះ០១នាក់៖ឈ្មោះតុងស្រីទូច ភេទស្រី អាយុ៤២ឆ្នាំមុខរបរមេកាការ៉ាអូខេប៊ីយ៉ុងមានទីលំនៅភូមិលេខ១សង្កាត់ស្វាយរលំក្រុងតាខ្មៅ ខេត្តកណ្តាល។
បាត់បង់៖ម៉ូតូ០១គ្រឿងម៉ាកHonda scoopy សេរី២០២២ស្លាកលេខកណ្តាល១AP-៣៧២៣។
កាបូបលុយចំនួន០១។
ទូរសព្ទ័០១គ្រឿងម៉ាកoppo ។
ឯកសារមួយចំនួន។
ជនសង្ស័យ០៤នាក់
១-ឈ្មោះអ៉ិត ចាន់ទីម៉េងភេទប្រុស អាយុ១៦ឆ្នាំ ជនជាតិខ្មែរមុខរបរមិនពិតប្រាកដមានទីលំនៅភូមិទួលរកា១សង្កាត់ចាក់អង្រែក្រោម ខណ្ឌមានជ័យ ភ្នំពេញ(ឃាត់ខ្លួន)។
២-ឈ្មោះវិនលាភ ភេទប្រុស អាយុ១៦ឆ្នាំ ជនជាតិខ្មែរមុខរបរមិនពិតប្រាកដមានទីលំនៅភូមិព្រែកតានូសង្កាត់ចាក់អង្រែលើ ខណ្ឌមានជ័យ ភ្នំពេញ (ឃាត់ខ្លួន)។
៣-ឈ្មោះស៊ាន ខយ ភេទប្រុស អាយុ១៩ឆ្នាំ ជនជាតិខ្មែរមុខរបរមិនពិតប្រាកដមានទីលំនៅភូមិព្រែកតាគង់៣សង្កាត់ចាក់អង្រែលើ ខណ្ឌមានជ័យ ភ្នំពេញ (ឃាត់ខ្លួន)។
៤-ឈ្មោះយិនស៊ឹមឡេងភេទប្រុស អាយុ១៦ឆ្នាំ ជនជាតិខ្មែរមុខរបរមិនពិតប្រាកដមានទីលំនៅភូមិព្រែកតាគង់១សង្កាត់ចាក់អង្រែលើ ខណ្ឌមានជ័យ ភ្នំពេញ (ឃាត់ខ្លួន)។
មានសារធាតុញៀនក្នុងទឹកនោម(+)
វត្ថុតាងចាប់យក៖
១-ម៉ូតូ០១គ្រឿHonda moov ពណ៏ស ស្លាកលេខភ្នំពេញ ១HA-៧៤៨៦(របស់ជនសង្ស័យ)។
២-កាំបិតប៉័ងតោចំនួន០១(របស់ជនសង្ស័យ) ។
៣-ដាវចំនួន០១ដើម (របស់ជនសង្ស័យ) ។
បើតាមលោកវរសេនីយ៍ឯកយី វណ្ណដាអធិការក្រុងតាខ្មៅបានឲ្យដឹងថា! កាលពីថ្ងៃទី២៧.០៧.២០២៣វេលាម៉ោង០១និង៣០នាទីយប់ជនរងគ្រោះបានជិះម៉ូតូចេញពីធ្វើការនៅហាងការ៉ាអូខេប៊ីយ៉ុងដើម្បីត្រឡប់ទៅផ្ទះវិញ លុះជិះដល់ចំណុចកើតហេតុខាងលើក៏ស្រាប់តែមានជនសង្ស័យ២នាក់គឺឈ្មោះអ៉ិតចាន់ទីម៉េងនិងឈ្មោះវិន លាភបានជិះម៉ូតូ០១គ្រឿងម៉ាកHonda moov ពណ៏ស ស្លាកលេ ភ្នំពេញ1HA-7486 យកដាវដេញកាប់ជនរងគ្រោះ រួចហើយដណ្តើមយកម៉ូតូនិងកាបូបលុយជិះគេចខ្លួនបាត់ទៅ។
លុះមកដល់ថ្ងៃទី០៦.០៨.២០២៣វេលាម៉ោង០១និង៣០នាទីយប់ក៏មានជនសង្ស័យ៣នាក់គឺឈ្មោះអ៉ិត ចាន់ទីម៉េងឈ្មោះស៊ាន ខយឈ្មោះយិន ស៊ឹមឡេងបានជិះម៉ូតូដដែលម៉ាកHonda moov ពណ៏ស ស្លាកលេខភ្នំពេញ១HA-៧៤៨៦ មានកាន់កាំបិតប៉័ងតោចំនួន០១បានជិះនាំគ្នាប៉ុនប៉ងដើររកកាប់ប្លន់ជនរងគ្រោះដែលជិះតាមផ្លូវនៅពេលយប់ម្តងទៀតចំនែកឈ្មោះវិនលាភមិនបានមកជាមួយនោះទេក៏ស្រាប់តែបានជួបកម្លាំងសមត្ថកិច្ចក្រុងតាខ្មៅកំពុងល្បាតធ្វើការឃាត់ខ្លួននិងបានស្រាវជ្រាវចាប់បានជនសង្ស័យម្នាក់ទៀតឈ្មោះវិន លាភយកមកសាកសួរចាត់ការតាមនិតិវិធីតែម្តង។
តាមចម្លើយសារភាពរបស់ក្រុមជនសង្ស័យខាងលើបានប្រាប់ថា៖គាត់និងបក្ខពួកពិតជាបាននាំគ្នាយកដាវកាប់ប្លន់យកម៉ូតូនិងកាបូបលុយរបស់ជនរងគ្រោះខាងលើប្រាកដមែន បច្ចុប្បន្នជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលក្រុងតាខ្មៅដើម្បីចាត់ការតាមនិតិវិធី ៕
