កំពង់ស្ពឺ៖ នៅថ្ងៃទី១១ខែសីហាឆ្នាំ២០២២នេះ ករណីគ្រោះចរាចរណ៍នេះបានកើតឡើងកាលពីវេលាម៉ោង១និង៣០នាទីរសៀលថ្ងៃទី១០ ខែសីហា ឆ្នាំ២០២២នៅក្នុងភូមិច្រកព្រាល ឃុំភក្តី ស្រុកបសេដ្ឋ ខេត្តកំពង់ស្ពឺ ។ ករណីគ្រោះថ្នាកចរាចរណ៍នេះមូលហេតុដោយសារតែជនរងគ្រោះបាន បើកម៉ូតូក្នុងល្បឿនលឿនខ្វះការប្រុងប្រយ័ត្នលុះមកដល់ចំណុចផ្លូវកោងធ្វើអោយគាត់ចាប់ហ្វាំងមិនទាន់ក៏ជ្រុលធ្លាក់ចូលប្រឡាយទឹកដោយខ្លួនឯងលង់ទឹកស្លាប់តែម្តង។
ជនរងគ្រោះឈ្មោះហ៊ុន ចាន់ធុច ហៅកយ ភេទ ប្រុស អាយុ ៣៤ឆ្នាំ រស់នៅភូមិ ច្រកព្រាល ឃុំភក្ដី ស្រុកបរសេដ្ឋ ខេត្តកំពង់ស្ពឺគាត់ជិះម៉ូតូមួយគ្រឿងម៉ាកហុងដាស្គុបពី ពណ៌ ស ពាក់ផ្លាកលេខ ភ្នំពេញ ១HB-៥៧៣៧ ក្រោយកើតហេតុនគរបាលឃុំ និងស្រុកបានចុះពិនិត្យធ្វើកោសល្យវិច្ច័យ មិនឃើញមានស្លាកស្នាមអ្វីក្រៅពីគ្រោះចរាចរណ៍ដោយខ្លួនឯង ។
សពត្រូវមន្ត្រីជំនាញ បានប្រគល់ជូនសាច់ញាតិក្រុមគ្រួសារយកទៅ ធ្វើបុណ្យទៅតាមប្រពៃណី រីឯម៉ូតូនគរបាលជំនាញយកប្រគល់ឱ្យក្រុមគ្រួសារយកទៅប្រើប្រាស់វិញ ៕
