ទីតាំងល្បែងស៊ីសងអនឡាញបេីកលេងយ៉ាងពេញបន្ទុកនៅលេីទឹកដីនៃសង្កាត់ស្វាយរលំសមត្ថកិច្ចមិនបង្រ្កាបបែរឆ្លេីយថាមិនស្គាល់ច្បាស់!
(កណ្ដាល) ទីតាំងល្បែងស៊ីសងអនឡាញបេីកលេងយ៉ាងពេញបន្ទុកនៅលេីទឹកដីសង្កាត់ស្វាយរលំ (ហៅព្រែកស្វាយរលំ ជាតំបន់អាណាធិបតេយ្យ) ហើយ សមត្ថកិច្ចបែរជាឆ្លេីយថាមិនស្គាល់ច្បាស់។
ល្បែងសុីសងអនឡាញតាម(lnternet)ចាប់បើកដេីម្បីស្វាគមន៍អតិថិជនមកពីគ្រប់មជ្ឍដ្ឋានទាំងថ្ងៃទាំងយប់។
ទីតាំងល្បែងអនឡាញតាម(lnternet)ស្ថិតនៅក្នុង ភូមិលេខ១ សង្កាត់ស្វាយរលំ ក្រុងតាខ្មៅ ខេត្តកណ្ដាល ។
បេីកលេងទាំងយប់ទាំងថ្ងៃជួនកាលរហូតដល់ម៉ោង១ម៉ោង២ ៣យប់គ្មានឃេីញសមត្ថកិច្ចមួយណាចុះត្រួតពិនិត្យឡេីយ
ប្រជាពលរដ្ឋមានការព្រួយបារម្ពយ៉ាងខ្លាំងពីសុខសុវត្ថិភាពព្រោះតែនៅម្ដុំនោះសំបូរទៅដោយក្មេងទំនេីងនិងមានការចែកចាយនូវសារធាតុជាតិញៀនផងដែរ។
ប្រជាពលរដ្ឋ សំណូមពរដល់ អាជ្ញាធរមានសមត្ថកិច្ច ពិសេស លោក ហាក់ សុធិន មេបុ៉ស្តិ៍រដ្ឋបាលសង្កាត់ស្វាយរលំ និងលោក យី វណ្ណដា អធិការនគរបាលក្រុងតាខ្មៅ មេត្តាចុះត្រួតពិនិត្យនឹងបង្ក្រាបល្បែងស៊ីសងខាងលើនេះដើម្បីរក្សាការពារសន្តិសុខនឹងភូមិឃុំមានសុវត្ថិភាពទាំង៧ចំណុចរបស់ក្រសួងមហាផ្ទៃ ជាពិសេសគឺសេចក្តីសុខរបស់ប្រជាពលរដ្ឋក្នុងមូលដ្ឋាន។
សូមជម្រាបថា កន្លងមក ឯកឧត្ដម ឈឿន សុចិត្រ្ត ស្នងការនៃស្នងការនគរបាលខេត្តកណ្ដាល បានប្រាប់ឲ្យ មេប៉ុស្តិ៍ឬអធិការស្រុក/ក្រុង ត្រូវតែចុះបង្ក្រាបទីតាំងដែលបង្កប់ល្បែងភ្នាល់ គ្រប់ប្រភេទ ដូចជា ហ្គេមបាញ់ត្រី ហ្គេមអនឡាញ និងល្បែងស៊ីសងផ្សេងៗ គ្រប់ប្រភេទ ។
គួរបញ្ជាក់ទៀតថា បើសិនជារកឃើញថា ទីតាំងណា ដែលបើកល្បែងស៊ីសង ហ្គេមបាញ់ត្រី សេវាកម្ម Internet លួចបង្កប់ ការលេងល្បែងស៊ីសង Online ត្រូវតែចាត់វិធានការណ៍ តាមផ្លូវច្បាប់ បិទអាជីវកម្មនោះ ហើយត្រូវធ្វើការឃាត់ខ្លួនម្ចាស់អាជីវកម្មផងដែរ។
សូមបញ្ជាក់ថា លោកអភិបាលខេត្ត បានសង្កត់ធ្ងន់ថា អាជ្ញាធរមានសមត្ថកិច្ច ក៏ដូចជា អាជ្ញាធរដែនដី ត្រូវត្រួតពិនិត្យ ឲ្យបានម៉ត់ចត់បំផុត មិនត្រូវអនុញ្ញាតឲ្យ មានល្បែងស៊ីសង គ្រប់ប្រភេទ ដូចជា ហ្គេមបាញ់ត្រី និងអាជីវកម្ម ណេតកាហ្វេ អនឡាញ ដែលមានបង្កប់ល្បែងស៊ីសង នៅក្នុងមូលដ្ឋាន ជាដាច់ខាត ក្នុងករណីដែលមាន នៅក្នុងមូលដ្ឋាន របស់ខ្លួនត្រូវបង្ក្រាបភ្លាមៗ ទាំងអ្នកលេង និងម្ចាស់ទីតាំង ដែលប្រកបអាជីវកម្មខុសច្បាប់ផងដែរ។
ជាពិសេសថ្មីៗនេះ សម្ដេចតេជោ ហ៊ុន សែន នាយករដ្ឋមន្រ្តីនៃព្រះរាជណាចក្រកម្ពុជា មានអនុសាសន៍ថា បេីសិនមានល្បែងសុីសងនៅក្នុង ឃុំ/សង្កាត់ ស្រុក/ក្រុង ខេត្ត ណា គឺមន្រ្តីឬសមត្ថកិច្ចនោះនឹងប្រឈមមុខនឹងការបាត់បង់តំណែងជាមិនខាន៕ទំនាក់ទំនងព័ត៌មាន070926014/0889846555
