ឯកឧត្តមបណ្ឌិត ទូច វណ្ណៈ និងលោកជំទាវ ហោ វ៉ាន់នី អញ្ជើញជាអធិបតីពិធីបើកការប្រណាំងទូក ង ខ្នាតតូច ស្រុកមេសាង ឆ្នាំ២០២៤

នៅព្រឹកថ្ងៃទី១៥ ខែវិច្ឆិកា ឆ្នាំ២០២៤ នេះ ឯកឧត្តមបណ្ឌិត ទូច វណ្ណៈ ប្រធានក្រុមការងារចុះជួយ ស.ស.យ.ក. ស្រុកមេសាង និងលោកជំទាវ ហោ វ៉ាន់នី ទូច វណ្ណៈ លោក ផន សារ៉េត ប្រធានក្រុមប្រឹក្សាស្រុកមេសាង និងលោក ហ៊ន សុផាត អភិបាល នៃគណៈអភិបាលស្រុកមេសាង និងជាប្រធាន ស.ស.យ.ក. ស្រុកមេសាង បានអញ្ជើញជាអធិបតីពិធីបើកការប្រណាំងទូក ង ខ្នាតតូច ស្រុកមេសាង ឆ្នាំ២០២៤ នៅតាមបណ្តោយប្រឡាយរោងតាម៉ន ព្រំប្រទល់ភូមិមេសាង ឃុំរំដេង និងភូមិច័ន្ទគ្រឹស្នា ឃុំច្រេស ស្រុកមេសាង ខេត្តព្រៃវែង។

អញ្ជើញចូលរួមពិធីបើកការប្រណាំងទូក ង ស្រុកមេសាង ប្រចាំឆ្នាំ២០២៤ នាឱកាសនោះ មានឯកឧត្តម លោកជំទាវ អស់លោក លោកស្រី អនុប្រធាន និងសមាជិក សមាជិកាក្រុមការងារចុះជួយ ស.ស.យ.ក. ស្រុកមេសាង និងមន្ត្រីរាជការ កងកម្លាំង អាជ្ញាធរដែនដី ថ្នាក់ដឹកនាំ និងសមាជិក សមាជិកា ស.ស.យ.ក. ស្រុក ព្រមទាំងកីឡាករ កីឡាការិនីចំណុះទូក និងបងប្អូនប្រជាពលរដ្ឋយ៉ាងច្រើនកុះករ។

ក្នុងឱកាសនោះ ឯកឧត្តមបណ្ឌិត ទូច វណ្ណៈ និងលោកជំទាវ ព្រមទាំងក្រុមការងារ ក៏បាននាំយកអំណោយឯកឧត្តមអភិសន្តិបណ្ឌិត ស សុខា អនុប្រធានសហភាពសហព័ន្ធយុវជនកម្ពុជា (ស.ស.យ.ក.) ទទួលបន្ទុកខេត្តព្រៃវែង បាត់ដំបង និងខេត្តបន្ទាយមានជ័យ និងលោកជំទាវ កែ សួនសុភី ស សុខា រួមមាន ៖ ថវិកា ចំនួន ១ ០០០ ០០០(មួយលានរៀល) និងស្លាកសញ្ញា (Logo) ស.ស.យ.ក. ចំនួន ២៤០ ប្រគល់ជូនលោក ហ៊ន សុផាត សម្រាប់ចូលរួមផ្គត់ផ្គង់កម្មវិធី និងប្រើប្រាស់ផងដែរ៕