នគរបាលស្រុកខ្សាច់កណ្តាលបង្គ្រាបគ្រឿងញៀននិងឃាត់ខ្លួនជនសង្ស័យ០៣នាក់ករណីជួញដូរដោយខុសច្បាប់នូវសារធាតុញៀន

ជនសង្ស័យចំនួន​ ០៤នាក់​

១-ឈ្មោះ​ឆាយ សុខគាង ភេទប្រុស អាយុ៣៩ឆ្នាំមុខរបរមិនពិតប្រាកដ ជនជាតិខ្មែរ មានទីលំនៅភូមិ​ព្រែកតាគង់ ឃុំព្រែកតាមាក់ ស្រុកខ្សាច់កណ្តាល​ ខេត្តកណ្តាល​​ (ឃាត់ខ្លួន)។

២-ឈ្មោះ​ចាន់ ពេជ្រ ភេទប្រុស អាយុ២០ឆ្នាំមុខរបរ​ មិនពិតប្រាកដ ជនជាតិខ្មែរ មានទីលំនៅភូមិ​ព្រែកតាទន់ ឃុំព្រះប្រសប់ ស្រុកខ្សាច់កណ្តាល​ ខេត្តកណ្តាល​​ (ឃាត់ខ្លួន)។

៣-ឈ្មោះឈួ វ៉េងសែ ភេទប្រុស អាយុ២៧ឆ្នាំ មុខរបរកម្មករឡនំប៉ុង ជនជាតិខ្មែរ មានទីលំនៅភូមិទេពមន្ត្រី ឃុំព្រះប្រសប់ ស្រុកខ្សាច់កណ្តាល ខេត្តកណ្តាល (ឃាត់ខ្លួន)។

៤-ឈ្មោះម៉ោង ភេទប្រុស មានទីលំនៅភូមិព្រែកតាទន់ឃុំព្រះប្រសប់ ស្រុកខ្សាច់កណ្តាល ខេត្តកណ្តាល (គេចខ្លួន)។

វត្ថុតាងចាប់យក៖

១-ថ្នាំញៀនប្រភេទមេតំហ្វេតាមីនចំនួន០៥កញ្ចប់តូច(ទំងន់១,២៤ក្រាម)

២-ទូរស័ព្ទដៃចំនួន០៣គ្រឿង

៣-ម៉ូតូម៉ាកហុងដាសេ១២៥សេរីឆ្នាំ២០១១ពណ៍ខ្មៅចំនួន០១គ្រឿង

៤-ឧបករណ៍សំរាប់ប្រេីប្រាស់និងសំភារៈសំរាប់វេចខ្ចប់ថ្នាំញៀនមួយចំនួន។

បើតាមសមត្ថកិច្ចបានបញ្ចាក់ថាៈ

​នៅមុនពេលកេីត៖

ហេតុ​មានកំលាំងផ្តល់ពត៍មានជូនសមត្ថកិច្ចនគរបាលថាឃេីញឈ្មោះពេជ្រ ភេទប្រុសកំពុងតែជួញដូរថ្នាំញៀននៅ

ចំណុចកេីតហេតុខាងលេីភ្លាមៗនោះកំលាំងផ្នែកប្រឆាំងគ្រឿងញៀនស្រុកបានសហការជាមួយកំលាំងនគរបាលប៉ុស្តិ៍រដ្ឋបាលព្រះប្រសប់បានចុះទៅបង្រ្កាបឃាត់ឈ្មោះពេជ្រហេីយហូតបានថ្នាំញៀនចំនួន០១កញ្ចប់ដោយផ្អែកតាមការបង្ហាញរបស់ឈ្មោះពេជ្រ សមត្ថកិច្ចនគរបាលក៏បានបន្តទៅឃាត់ឈ្មោះសែ ភេទប្រុស និងឈ្មោះគាង ភេទប្រុស ហេីយដកហូតបានថ្នាំញៀនចំនួន៤កញ្ចប់រួមជាមួយឧបករណ៍សំរាប់ប្រេីប្រាស់និងសំភារះសំរាប់វេចខ្ចប់ថ្នាំញៀនមួយចំនួនទៀតបន្ទាប់មកសមត្ថកិច្ចនគរបាលបានបញ្ជូនជនសង្ស័យទាំង៣នាក់​និងវត្ថុតាងទៅកាន់ប៉ុស្តិ៍នគរបាលព្រះប្រសប់ដេីម្បីធ្វេីការសាកសួរ​។

ក្រោយពីធ្វើការសាកសួរឈ្មោះ​ពេជ្របានឆ្លេីយសារភាពថាចំពោះថ្នាំញៀនគឺឈ្មោះម៉ោង ភេទប្រុស នៅភូមិព្រែកតាទន់ ជាអ្នកអោយខ្លួនយកទៅលក់អោយគេដោយក្នុង០១កញ្ចប់លក់តំលៃ៥មុឺនរៀលបន្ទាប់មកសមត្ថកិច្ចនគរបាលក៏បានបញ្ជូនជនសង្ស័យទាំង៣នាក់រួមជាមួយវត្ថុតាងមកអធិការដ្ឋាននគរបាលស្រុកខ្សាច់កណ្តាល ដេីម្បីបន្តនីតិវិធីតែម្តង៕