ឆ្នោតវៀតណាមM9999មួយកន្លែងកំពុងដំណើរការយ៉ាងរលូននៅក្រោយផ្សារសាំហាន់ ផ្លូវឆ្ពោះទៅជ្រោះបាត់ស្នេហ៍ ដោយមិនខ្លាចសមត្ថកិច្ចមូលដ្ឋានបន្តិចសោះឡើយ

ភ្នំពេញទះ ឆ្នោតវៀតណាមM9999ភ្នំពេញ ៖ ទីតាំងល្បែងស៊ីសងខុសច្បាប់កត់ឆ្នោតវៀតណាមមួយកន្លែងកំពុងសប្បាយកើបលុយយ៉ាងគគ្រឹកគគ្រេង និងបើកលេងយ៉ាងរលូននៅតាមបណ្ដោយផ្លូវហួសទៅជ្រោះបាត់ស្នេហ៍ជាប់ខាងជើងផ្សារសុាំហាន់ ក្នុងសង្កាត់ទួលសង្កែទី 1 ខណ្ឌឫស្សីកែវ រាជធានីភ្នំពេញ​ មិនទាន់ឃើញមានអាជ្ញាធរសមត្ថកិច្ចពាក់ព័ន្ធចុះបង្ក្រាបនៅឡេីយ​ទេ ដែលផ្ទុយពីប្រសាសន៍របស់លោកអភិបាលរាជធានីភ្នំពេញ។

ប្រជាពលរដ្ឋនៅជិតកន្លែងទីតាំងឆ្នោតវៀតណាមបានបញ្ជាក់ឲ្យដឹងថាទីតាំងគាត់ឆ្នោតខាងលើនេះគឺប្រជាពលរដ្ឋនៅម្ដុំផ្សារសាំហាន់នេះអ្នកខ្លះបានចាក់តាមប្រព័ន្ធទូរស័ព្ទឆាតទៅវិញទៅមកហើយទីតាំងកន្លែងខាងលើនេះពេលខ្លះគាត់ឲ្យសឹងមិនទាន់ទៀតផង ហើយក្នុងការចាក់ម្តងៗរាប់មុឺនរៀលមានអ្នកចាក់ចាញ់អស់ប្រាក់រាប់លានក្នុងមួយនាក់ៗមានទាំងក្មេងមានទាំងចាស់ធ្វើឲ្យក្រុមគ្រួសារមានការកង្វល់ជាខ្លាំងដោយសារល្បែងខាងលើ។

ប្រជាពលរដ្ឋសូមសំណូមពរលោកឯក ឃុនឌឿនអភិបាលនៃគណៈអភិបាលខណ្ឌឫស្សីកែវនិងលោកហ៊ា ថារេត អធិការនគរបាលខណ្ឌឫស្សីកែវ សូមមានចំណាត់ការចុះបង្ក្រាបនូវល្បែងស៊ីសងខុសច្បាប់ខាងលើមួយនេះខណៈដែលម្ចាស់ទីតាំង កំពុងបើកលេងគគ្រឹកគគ្រេងយ៉ាងរលូនដោយមិនខ្លាចញញើតអ្វីបន្តិចសោះឡេីយ។

ប្រជាពលរដ្ឋសង្ឃឹមថាអាជ្ញាធរខ័ណ្ឌនិងមានចំណាត់ការចុះបង្ក្រាបនូវល្បែងស៊ីសងឆ្នោតវៀតណាមខាងលើមួយនេះ ខណៈកន្លងមកលោកអភិបាលខណ្ឌបានចុះបង្ក្រាបទីតាំងជាច្រើនកន្លែងរាល់ល្បែងស៊ីសងខុសច្បាប់គ្រប់ប្រភេទនៅក្នុងមូលដ្ឋាន៕