បានអញ្ជើញជាអធិបតីយភាព ក្នុងពិធីប្រកាសតែងតាំង អភិបាលស្រុកខ្សាច់កណ្ដាល។
ពិធីនេះធ្វើឡើង នៅសាលាស្រុកខ្សាច់កណ្ដាល ដែលមានការចូលរួមពីមន្ត្រីពាក់ព័ន្ធជាច្រើនផងដែរ។

ក្នុងនោះលោក ចេង ឌីណា អតីតអភិបាលរងស្រុកល្វាឯម ត្រូវបានតែងតាំងជាអភិបាល នៃគណ:អភិបាលស្រុកខ្សាច់កណ្ដាល ជំនួសលោក ប៊ុន ផេង ដែលឡើងតំណែងជាអភិបាលរងខេត្តកណ្តាល។

ថ្លែងក្នុងឱកាសនោះឯកឧត្តម គង់ សោភ័ណ្ឌ បានណែនាំដល់លោកអភិបាលស្រុកដែលទើបទទួលការតែងតាំងថ្មីនាពេលនេះ ។
ត្រូវពង្រឹងសាមគ្គីភាព ឯកភាពផ្ទៃក្នុងឲ្យបានល្អ ។

ដើម្បីរួមគ្នាអនុវត្តការងារ ក្នុងការតម្កល់ឧត្តមប្រយោជន៍ជាតិ និងប្រជាជនជាធំ និងត្រូវថែរក្សាការពារ ស្ថិរភាព សន្តិសុខ សណ្ដាប់ធ្នាប់សង្គម និងការអភិវឌ្ឍស្រុកឲ្យកាន់តែរីកចម្រើនថែមទៀត ។

ស្របការវិវត្តរបស់សង្គមជាតិ ប្រកបដោយបរិយាប័ន្ន សមធម៌ ចីរភាព និងការកាត់បន្ថយភាពក្រីក្រ ការលើកកម្ពស់កម្រិតជីវភាពរបស់ប្រជាពលរដ្ឋ។

ឯកឧត្តម អភិបាលខេត្តកណ្ដាល សង្ឃឹមយ៉ាងមុតមាំថាៈ អភិបាលស្រុកដែលទើបតែងតាំងថ្មី នឹងប្រើប្រាស់នូវចំណេះដឹង ជំនាញ កម្លាំងកាយ កម្លាំងចិត្ត ប្រាជ្ញាស្មារតី បទពិសោធន៍ការងារ រួមគ្នាជាមួយក្រុមប្រឹក្សាស្រុក គណ:អភិបាលស្រុក មន្ត្រីរាជការ កងកម្លាំងប្រដាប់អាវុធគ្រប់ប្រភេទ ដើម្បីការអភិវឌ្ឍន៍ និងត្រូវខិតខំប្រឹងប្រែងយ៉ាងសកម្មក្នុងការអនុវត្តកំណែទម្រង់នានា ។ដែលបានកំណត់ក្នុងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាល សម្រាប់នីតិកាលទី៦ ដោយបានជំរុញការអភិវឌ្ឍ ស្រុកខ្សាច់កណ្ដាល ឲ្យសម្រេចបានសមិទ្ធផលថ្មី បន្ថែមទៀត៕