បើករថយន្តFordបុកម៉ូតូស អមភ្ញៀវទាំងព្រឹក មិនស្តាប់ការជូនដំណឹងរបស់រដ្ឋបាលរាជធានីភ្នំពេញ
( ភ្នំពេញ ) ករណីគ្រោះថ្នាក់ចរាចរណ៍រវាងរថយន្ត Ford និង ម៉ូតូសអមភ្ញៀវ ព្រឹក ថ្ងៃទី ១២ ខែ វិច្ឆិកា ឆ្នាំ ២០២២ នៅស្ពាននាគ វត្តភ្នំ ។ បើយោងតាមច្បាប់ ស្តីពី ចរាចរណ៍ផ្លូវគោក មាត្រា៨១-ជនណាបើកបរមិនគោរពសញ្ញាបញ្ជារបស់មន្ត្រីមានសមត្ថកិច្ចការពារក្បួនដំណើរគណៈប្រតិភូ ឬថ្នាក់ដឹកនាំជាន់ខ្ពស់បង្កការខូចខាតដល់យានយន្តរបស់ក្បួន ត្រូវផ្តន្ទាទោសដាក់ពន្ធនាគារពី ១(មួយ) ខែ ទៅ ៦ (ប្រាំមួយ) ខែ និងពិន័យជាប្រាក់ពី ៨០០ ០០០(ប្រាំបីសែន) រៀល ទៅ ៤ ០០០ ០០០ លាន) រៀល ។
សូមបញ្ជាក់ថា, រដ្ឋាភិបាលរាជធានី ភ្នំពេញ បានចេញសេចក្តីជូនដំណឹង ចំពោះការបិទផ្លូវមួយចំនួន ក្នុងរាជធានីភ្នំពេញ ខណៈកម្ពុជាធ្វើជាម្ចាស់ប្រជុំអាស៊ាន ពិសេសសម្តេចតេជោ ហ៊ុនសែន នាយករដ្ឋមន្ត្រី នៃព្រះរាជាណាចក្រកម្ពុជា ជាប្រធានអាស៊ាន ដូច្នេះសូមបងប្អូន មេត្តាចូលរួមអនុវត្តនូវសេចក្តីជូនដំណឹង ការណែនាំ របស់រដ្ឋបាលសាលារាជធានីភ្នំពេញ អោយបានគ្រប់គ្នា ដើម្បី ទុកអោយ សមត្ថកិច្ច អាជ្ញាធរ គាត់ មានភារកិច្ច រៀបចំ ការងារ សន្តិសុខ សណ្តាប់ធ្នាប់ ជូនប្រតិភូ ប្រកបដោយ សុវត្ថិភាព ៕
