ចោរស្រីដៃឆើតនៅកោះក្របីឆ្លងស្ពានហ៊ានលួចម៉ូតូទាំងថ្ងៃនៅក្រុងតាខ្មៅ បានជាប់ខ្នោះដៃបានសម្រេចហេីយ
កណ្តាល ÷ ជនសង្ស័យជាចោរស្រីដៃឆើត នៅខាងកោះក្របី បានឆ្លងស្ពាន ហ៊ានមកចូលលួចយកម៉ូតូរបស់ជនរងគ្រោះទាំងថ្ងៃនៅក្រុងតាខ្មៅ ត្រូវជាប់ខ្នោះដៃនៅប៉ុស្តិប៉ូលីស ដែលករណីអំពើលួចម៉ូតូខាងលើ បានកើតឡើងកាលពីវេលាម៉ោង ០៧និង៣០នាទីថ្ងៃទី៣១ខែសីហាឆ្នាំ២០២៤ នៅចំណុច ដីឡូត៏ក្នុងរបងផ្ទះជនរងគ្រោះក្នុងភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល ។
លោកវរសេនីយ៏ឯក យី វណ្ណដា អធិការនគរបាលក្រុងតាខ្មៅ បានប្រាប់អោយដឹងថា ជនរងគ្រោះមានឈ្មោះ – ទិត្យ សុធានី ភេទប្រុសអាយុ៣៨ ឆ្នាំជនជាតិខ្មែរ ទីលំនៅភូមិ សង្កាត់កើតហេតុ មុខរបរបុគ្គលិកក្រុមហ៊ុន។ ចំនែកជនសង្ស័យមាន ឈ្មោះប៉ោ រស្មី ភេទស្រីអាយុ៣០ឆ្នាំជនជាតិខ្មែរ រស់នៅភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ មុខរបរ មិនពិតប្រាកដ។ វត្ថុតាងចាប់យក÷ ម៉ូតូចំនួន០១គ្រឿងម៉ាកហុងដាគុបពណ៎ខៀវ ពាក់ស្លាកលេខកណ្តាល1F-1709 ជារបស់ជនរងគ្រោះ ។
លោកអធិការបានអោយដឹងបន្តទៀតថា ÷ មុនពេលកើតហេតុ ជនរងគ្រោះបានត្រឡប់មកពីជូនកូនទៅសាលាមកដល់ផ្ទះវិញ បានយកម៉ូតូមកទុកក្នុងរបងដីឡូតិ៍មុខផ្ទះរបស់ខ្លួន ដោយមិនបានដកកូនសោរចេញពីក្នុងម៉ូតូ រួចក៏ជិះម៉ូតូ០១គ្រឿងផ្សេងទៀតទៅធ្វើការនៅឯក្រុងភ្នំពេញ។លុះដល់វេលាកើតហេតុ ប្រពន្ធជនរងគ្រោះបានតេទូរស័ព្ទប្រាប់ជនរងគ្រោះថា ÷ ម៉ូតូ០១គ្រឿងខាងលើត្រូវបានចោរលួចបាត់ហើយ លឺដូចនោះជនរងគ្រោះបានជិះម៉ូតូត្រឡប់មកផ្ទះវិញ ដើម្បីឆែកកាមេរ៉ាមើល ក៏ឃើញភិនភាគជនសង្ស័យភេទស្រីម្នាក់ ធ្វើសកម្មភាពចូលលួចម៉ូតូជិះចេញទៅបាត់ បន្ទាប់មកជនរងគ្រោះបានជិះម៉ូតូដើររករហូតដល់សួនច្បារមាត់ទន្លេក្រុងតាខ្មៅ ក៏បានឃើញជនសង្ស័យកំពុងជិះម៉ូតូរបស់ខ្លួនក៏ឃាត់ទុកនិងរាយការណ៍ជូនសមត្ថកិច្ចប៉ុស្តិ៍តាខ្មៅឲ្យឃាត់ខ្លួនជនសង្ស័យរួមទាំងវត្ថុតាងយកមកសួរនាំនៅប៉ុស្តិ៍និងកសាងសំណុំរឿងចាត់ការតាមនិតិវិធី។
លោកអធិការបានបញ្ជាក់បន្ថែមថា ÷ ពេលស្ត្រីជាជនសង្ស័យលួចម៉ូតូបណ្តើរមកដល់ច្រកទ្វារចេញក៏បានជួបនឹងស្ត្រីជាម្តាយជនរងគ្រោះតែគាត់ហាក់ដូចជាភាំងស្មារតី ដោយមិនបានចាប់ឃាត់ស្ត្រីជាជនសង្ស័យឡើយ ។
នៅចំពោះមុខសមត្ថកិច្ជស្ត្ត្រីជា ជនសង្ស័យបានឆ្លើយសារភាពថា ÷ រូបគេពិតជាបានធ្វើសកម្មភាពចូលលួចម៉ូតូរបស់ជនរងគ្រោះម៉ាកហុងដាគុបពណ៌ខៀវ ប្រាកដមែន។
បច្ចុប្បន្នស្ត្រីជាជនសង្ស័យកំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលក្រុងតាខ្មៅដើម្បីសាកសួរនិងកសាងសំណុំរឿងចាត់ការតាមនិតិវិធី៕
ការិយាល័យផ្សព្វផ្សាយ 012926014
