ឆ្មក់បង្ក្រាប ឃាត់ខ្លួនជនជាតិចិន និងវៀតណាម ប្រហែល ៧០នាក់ ជុំគ្នាផឹកស៊ី និងប្រើប្រាស់ថ្នាំញៀនក្នុងអគារខុនដូរ

តាមសមត្ថកិច្ចអះអាងថា មនុស្សប្រុសស្រីប្រហែល៧០នាក់នេះគឺ ជាជនជាតិចិន និងជនជាតិវៀតណាម បានបង្កើតកម្មវិធីជួបជុំគ្នាផឹកស៊ី ដោយល្មើសនឹងវិធានការរដ្ឋបាលរាជធានីភ្នំពេញ និងក្រសួងសុខាភិបាល ទើបកម្លាំងសមត្ថកិច្ចជំនាញ នៃស្នងការដ្ឋាននគរបាលរាជធានីភ្នំពេញ ចុះបង្ក្រាប។

តាមសេចក្តីរាយការណ៍បន្តថា មិនតែប៉ុណ្ណោះគេរកឃើញមានជួញដូរនិងប្រើប្រាស់នូវសារធាតុញៀនថែមទៀត។

ក្រោយឃាត់ខ្លួនកម្លាំងសមត្ថកិច្ចជំនាញធ្វើកំណត់ហេតុនាំខ្លួនជនសង្ស័យខាងលើនេះបញ្ចូនទៅកាន់ការិយាល័យជំនាញ នៃស្នងការនគរបាលរាជធានីភ្នំពេញ ដើម្បីកសាងសុំណុំរឿងចាត់ការបន្តតាមច្បាប់៕