បន្ទាយមានជ័យ៖យ៉ាងហោចណាស់មានមុខសញ្ញគ្រឿងញៀន៧នាក់ត្រូវបានឃាត់ខ្លួនករណីគ្រឿងញៀនដោយដឹកនាំបញ្ជាផ្ទាល់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ និងដោយមានការដឹកនាំសម្របសម្រួលពីលោក សំរិទ្ធ សុខុន ព្រះរាជអាជ្ញារងនៃអយ្យកាអមសាលាដំបូងខេត្តបន្ទាយមានជ័យ បានសហការចុះអនុវត្តដីកាបានឈានឃាត់ខ្លួនជនសង្ស័យ០៤នាក់នៅចំណុចផ្ទះល្វែង១កន្លែង នៅថ្ងៃទី១៦ខែមិថុនា ឆ្នាំ២០២១ស្ថិតក្នុងភូមិផ្សារកណ្តាលសង្កាត់ផ្សារកណ្តាលក្រុងប៉ោយប៉ែតខេត្តបន្ទាយមានជ័យ។
បើតាមសមត្ថកិច្ចបានឲ្យដឹងថា៖ ជនសង្ស័យ០៤នាក់ដែលឃាត់បានមាន៖
១.ឈ្មោះ រ៉ុង យ៉ីងហាក់ ភេទប្រុស អាយុ៣៦ឆ្នាំ ជនជាតិខ្មែរ មុខរបរមិនពិតប្រាកដ
២/ឈ្មោះ រ៉ុង គីមហ៊ាង ភេទប្រុសអាយុ៣៩ឆ្នាំ ជនជាតិខ្មែរមុខរបរលក់ដូរ។
៣/ឈ្មោះ សុខ សេថា ភេទប្រុស អាយុ២៣ឆ្នាំ ជនជាតិខ្មែរ ។
៤/ឈ្មោះ វ៉ាន់ ឈីដា ភេទស្រី អាយុ២៨ឆ្នាំ ជនជាតិថៃទាំងបួននាក់នេះ រស់នៅ ក្នុងសង្កាត់ផ្សារកណ្តាលក្រុងប៉ោយប៉ែតខេត្តបន្ទាយមានជ័យ។
ដកហូតបានវត្ថុតាងរូម៖ម្ស៉ៅក្រាមសង្ស័យសារធាតុញៀនចំនួន៣៣កញ្ចប់ធំ, ម្សៅក្រាមសថ្លាសង្ស័យសារធាតុញៀនចំនួន៥កូនថង់,ថ្នាំច្រកថង់ពណ៌ខៀវ០២កញ្ចប់,ថ្នាំគ្រាប់ពណ៌ផ្កាឈូក(រាងបេះដូង)០២កូនថង់,ថ្នាំគ្រាប់ពណ៌ត្រួយចេករាងចតុកោន០២កូនថង់, ថ្នាំគ្រាប់ពណ៌ក្រហមរាងមូល០១កូនថង់ មាន០២គ្រាប់និងជញ្ជីងថ្លឹងថ្នាំញៀនចំនួន០២និងសម្ភារ:កែឆ្នៃសម្រាប់ប្រើប្រាស់គ្រឿងញៀនមួយចំនួននិងរថយន្ត០១គ្រឿងម៉ាកហាយលែនឌឺ ពណ៌ទឹកប្រាក់ពាក់ស្លាកលេខបន្ទាយមានជ័យ 2C-៣១៨៦។
សមត្ថកិច្ចបានឲ្យដឹងទៀតថានៅថ្ងៃដដែលបានចុះបង្រ្កាបករណីជួញដូរគ្រឿងញៀននៅចំណុចភូមិអូរអំពិលឃុំទួលពង្រស្រុកម៉ាឡៃខេត្តបាត់ដំបង។
ដែលមានជនសង្ស័យឈ្មោះ ឡេង គឹមឡាយ ភេទប្រុសអាយុ៥៥ឆ្នាំមុខរបរមិនពិតប្រាកដ(គេចខ្លួន)។ ដោយមានការសម្របសម្រួលពីព្រះរាជអាជ្ញារងសំរិទ្ធសុខុននៅវេលាម៉ោង១០និង៤០នាទីបានបង្កើតគណៈកម្មការឆែកឆេរផ្ទះរបស់ឈ្មោះឡេង គឹមឡាយ។
ដកហូតវត្ថុតាងដូចជា៖ម្សៅក្រាម
ពណ៍សថ្លាចំនួន០១កញ្ចប់និង០១កូនថង់តូច, កាំភ្លើងម៉ាក់ឡុកចំនួន០១ដើមមានគ្រាប់១៦គ្រាប់។
ថ្នាំប្រភេទគ្រាប់សង្ស័យសារធាតុញៀនចំនួន៦៣គ្រាប់ ពណ៌ក្រហម៥៥គ្រាប់ ពណ៌ខៀវ០៨គ្រាប់,ថ្នាំប្រភេទទឹកសង្ស័យសារធាតុញៀនចំនួន០៥ប្រអប់មាន១២៥ដប,និងថង់សំរាប់ច្រកថ្នាំញៀនមួយចំនួនព្រមទាំងរថយន្ត toyota prus០១គ្រឿងទៀតដែលជនសង្ស័យឈ្មោះឡេងគឹមឡាយជិះយកទៅផ្ញើអ្នកភូមិរួចគេចខ្លួន។
ក្រោយពីធ្វើការឆែកឆេរចប់សមត្ថកិច្ចបានឃាត់ខ្លួនជនសង្ស័យចំនួន០៣នាក់ស្រីចំនួន០២នាក់។
១/ឈ្មោះឡុង សារិទ្ធភេទប្រុសអាយុ30ឆ្នាំដែលទទួលវត្ថុតាងពីជនសង្ស័យផ្ញើ។
២/ឈ្មោះ គួន ស្រីឡាន់ ភេទស្រីអាយុ៣៣ឆ្នាំ។ ៣/សេងស្រីនិអាយុ២៣ឆ្នាំ។ ជនសង្ស័យទាំង០៧នាក់និងវត្ថុតាងខាងលើត្រូវបានបញ្ជូនទៅស្នងការនគរបាលខេត្តបន្ទាយមានជ័យដែលត្រូវផ្តល់ព័ត៌មានជូននៅថ្ងៃទី១៨ខែមិថុនា ឆ្នាំ២០២១នៅស្នងការដ្ឋាននគរបាលខេត្តបន្ទាយមានជ័យ៕
