លោក ឌី រ័ត្នខេមរុណ អភិបាលរង ខណ្ឌមានជ័យ នាំយកអំណោយ សប្បុរសជន ជាគ្រឿង ឩបភោគ បរិភោគ ផ្តល់ជូន គ្រួសារកងរាជអាវុធហត្ថខណ្ឌមានជ័យ ដែររងគ្រោះជំនន់ទឹកភ្លៀងនៅខណ្ឌមានជ័យ

នាឱកាសនោះដែរ លោក ឌី រ័ត្នខេមរុណ អភិបាលរង ខណ្ឌមានជ័យ បានកោតសរសើរ ចំពោះកងកម្លាំងមូលដ្ឋានកងរាជអវុធហត្ថខណ្ឌមានជ័យ ដែលបានបំពេញនូវតួនាទី ភារកិច្ច របស់ខ្លួន និងខិតខំប្រឹងប្រែង រក្សាសុន្តិសុខ សុវត្ថិភាព សណ្តាប់ធ្នាប់ ជូនបងប្អូនប្រជាពលរដ្ឋ ក្នុងមូលដ្ឋាន មិនអោយមានភាពភ័យខ្លាចរឿងអសន្តិសុខ ក្នុងភូមិ ជាពិសេសនោះ គឺរក្សាបាននូវភូមិ សង្កាត់ មានសុវត្ថិភាព ។

ទន្ទឹមនឹងនេះដែរ លោក ឌី រ័ត្នខេមរុណ អភិបាលរង ខណ្ឌមានជ័យ បានបន្តទៀតថា ដោយមើលឃើញក្នុងរយៈពេលថ្មីៗនេះ កងកម្លាំងមូលដ្ឋានកងរាជអវុធហត្ថខណ្ឌមានជ័យ យើង បានបំពេញការងារ ការពារនូវជំនន់ទឹកភ្លៀងជូនបងប្អូនប្រជាពលរដ្ឋក្នុងមូលដ្ឋាន មិនអោយមាន បងប្អូនណាម្នាក់ស្លាប់ដោយជំនន់ទឹកភ្លៀងនេះឡើយ ជាងនេះទៅ ទៀតកងកម្លាំងមូលដ្ឋានកងរាជអវុធហត្ថខណ្ឌមានជ័យ យើងបានបង្ក្រាបនូវបទ ល្មើសជួញដូរដោយខុសច្បាប់នូវសារ ធាតុញៀនក្នុងមូលដ្ឋានខណ្ឌផងដែរ ។

បន្ទាប់មក លោក ឌី រ័ត្នខេមរុណ អភិបាលរង ខណ្ឌមានជ័យ ធ្វើយ៉ាងណាកងកម្លាំងមូលដ្ឋានកងរាជអវុធហត្ថខណ្ឌមានជ័យ ត្រូវប្រកាន់អោយបានខ្ជាប់ខ្ជួននូវ ៖

១. ត្រូវមានវិន័យ

២. ត្រូវស្តាប់បទបញ្ជា

៣. ត្រូវគោរព តួនាទី ភារកិច្ច ។

អំណោយដែលត្រូវទទួលរួមមាន ៖

– ទឹកសុទ្ធ ឱរ៉ាល់ ៥០កេស , ទឹកក្រូច ៥០កេស , ទឹកត្រី ៣០ យួរ , ទឹកស៊ីអ៉ីវ ៣០ យួរ រួមទាំង ថវិកា ៧០ម៉ឺនរៀល សំរាប់ទ្រទ្រង់ក្នុងមូលដ្ឋានផងដែរ  ៕