សមត្ថកិច្ចពាក់ព័ន្ធ មិនធ្វើការចុះបង្ក្រោបបណ្តែត បណ្តោយឲ្យម្ចាស់ទីតាំង ជល់មាន់ និងក្រុម អ្នកញៀនល្បែង ទាំងនោះចេះប្តូរកន្លែង លេងគ្រប់ច្រកល្ហក ដើម្បីបំភាន់ភ្នែក ហើយលេងតាមអំពើចិត្ត ដោយមិនខ្វល់ពីជម្ងឺកូវិដ១៩។
លោកប្រាក់ ពុទ្ធា មេប៉ុសិ៍សង្កាត់លេខ១ បានប្រាប់សារព័ត៌មានក្នុងស្រុកនៅល្ងាចថ្ងៃទី១៧ ខែសីហា ឆ្នាំ២០២០នេះថា គេលេង១គូឬ២គូ នោះទេ មិនមានអ្នកលេងជល់មាន់ឡើយគឺលួចលាក់។
រីឯលោកតី វិសាល អធិការក្រុងព្រះសីហនុអង្គភាពសារព័ត៌មានក្នុងស្រុក នៅល្ងាចថ្ងៃទី១៧ ខែសីហា ឆ្នាំ២០២០នេះ មិនអាចសំការបកស្រាយបានទេ ព្រោះតេមិនចូល ហើយបងប្អូនប្រជាពលរដ្ឋ រស់នៅក្រុងព្រះសីហនុ ខេត្តព្រះសីហនុ លើកឡើងថា តើគោលនយោបាយភូមិ ឃុំមានសុវត្ថិភាព៩ចំណុច នោះនៅត្រង់ណាបើកម្លាំងអធិការដ្ឋាននគរបាលក្រុងព្រះសីហនុ មិនចុះបង្ក្រោបទុក្ខអោយលេងបានយ៉ាងរលូន ។
ចាប់តាំងពីម្ចាស់បនល្បែងបើកលេងមក នាពេលបច្ចុប្បន្ននេះប្រជាពលរដ្ឋ រស់នៅភូមិ៣ សង្កាត់លេខ១ ក្រុងព្រះសីហនុមានការព្រួយបារមណ៍ ខ្លាចកើតជាចោរ លួច ចោរឆក់ ចោរប្លន់និងគ្រឿងញៀនរីករាលដាលក្នុងក្រុងកំពង់សោម បែរជាអាជ្ញាធរនឹងសមត្ថកិច្ចធ្វើមិនដឹងមិនឮទៅវិញ។
ជាក់ស្តែងសម្តេចតជោ ហ៊ុន សែន និងក្រសួងសុខាភិបាលកម្ពុជា ប្រកាសអោយផ្អាក ជួបជុំ គ្នាមួយរយះ ដើម្បីទប់ស្កាត់ជំងឺ( កូវីដ ១៩ )និង បិទសាលារៀន KTVធំៗទូទាំងបណ្តាលខេត្តក្រុង បែរជាម្ចាស់ទីតាំងល្បែងជល់មាន់ព្រមទាំងបក្សពួកមួយចំនួនហ៊ានផ្គើនបទបញ្ជាសម្តេច ដូចជាប្រហើនពេកហើយ ។ សូមសុំណូមពរទៅ ឯកឧត្តមគួច ចំរើន អភិបាល នៃគណះបញ្ជាការឯកភាព ខេត្តព្រះសីហនុ នឹងឧត្ដមសេនីយ៍ទោ ជួន ណារិន្ទ ស្នងការដ្ឋាននគរបាលខេត្តព្រះសីហនុ មេត្តាចាត់វិធានការ ក្តៅចុះបង្ក្រាបល្បែងជល់មាន់ក្នុងទឹកដី សង្កាត់លេខ១ ក្រុងព្រះសីហនុ ផងទាន! ៕
