បន្ទាយមានជ័យ៖ ឧប្បត្តិហេតុអគ្គីភ័យមួយបានកើតឡើងដោយសារ បុរសម្ចាស់ការាស់សាំងម្នាក់ បានធ្វើការផ្ទេរប្រេងសាំងចេញពីរថយន្តធំចូលរថយន្តតូច នៅពេលរួចរាល់ក៏បានបើករថយន្តថយក្រោយបានកិនធុងហ្គាសក៏ផ្ទុះឆេះហើយបានឆាបឆេះរថយន្តអស់ ២គ្រឿង និងបានបណ្ដាលឲ្យខ្លួនគាត់ឆេះភ្លើងរបួសធ្ងន់។ ករណីនេះបានបង្កឲ្យមានការភ្ញាក់ផ្អើលឡើងនៅវេលាម៉ោង ៧ និង៣០នាទីព្រឹក ថ្ងៃទី២៩ ខែតុលា ឆ្នាំ២០២១ នៅនៅក្នុងស្ថានីយប្រេងសាំងចំណុចមុខផ្សារ អូរអំបិល សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
ក្រោយកើតហេតុ កម្លាំងនគរបាលអគ្គីភ័យនៃស្នងការនគរបាលខេត្ត កម្លាំងអាវុធហត្ថខេត្ត និងអាជ្ញាធរមូលដ្ឋានបានចុះជួយអន្តរាគមន៍ប្រាស់រថយន្តពន្លត់អគ្គិភ័យចំនួន ៣គ្រឿង ដោយទប់ស្កាត់ការឆេះរាលដាលចូលហ្គារ៉ាសសាំង បានប្រើពេលវេលាអស់រយៈពេលជិតកន្លះម៉ោង បានរលត់ជាស្ថាពរ។ ប៉ុន្តែរថយន្ត ២គ្រឿងបានឆេះអស់គ្មានសល់ ហើយម្ចាស់ការ៉ាស់សាំងដែលជាអ្នកបើកបររថយន្តបានរងរបួសធ្ងន់ ហើយបានបញ្ជូនទៅមន្ទីរពេទ្យសង្គ្រោះភ្លាមៗ៕
